Le blog de Erik Enfors in Interlingua

2011-10-08T10:36:00.034+02:00

Tomas Tranströmer

Tomas Gösta Tranströmer, nasceva le 15 de april 1931 i Stockholm, e ille es un poeta, traductor e psychologo. Ille recipeva le Premio Nobel pro Litteratura in 2011 post haber essite nominate cata anno durante plure annos previe. Su litteratura es traducite a circa 60 linguas. Ille passava multe estates insimul con su matre, le parentes esseva divorciate, sur le insula Runmarö in le archipelago de Stockholm lo que que ha resultate in tracias in su poesia. Su interesse pro scientias e arte eveliava jam in le juventute. Ille studiava in le Schola superior de Stockholm (universitate) e esseva candidato de philosophia in historia de litteratura con poetica in 1956 e passava tamben un examine como psychologo. Durante plure annos ille laborava como psychologo in Linköping, in un prison, e in Västerås in Arbetsmarknadsinstitutet (le Instituto statal de labor) Jam in 1954 ille publicava su prime collection de poemas ubi ille reintroduceva le verso ligate, ”17 dikter” (17 poemas) e alora ille esseva honorate como un genio juvene e recipeva un fama como le plus respectate e le plus traducite poeta de Svedia con un lingua figurate particular. In 1990 ille esseva affligite per un apoplexia que resultava in paralyse del latere dextere del corpore e aphasia.

Ille, qui esseva un pianista habile, post le apoplexia solmente pote sonar le piano con le mano sinistre, lo que ille face sovente. Ille sona e musica classic e jazz.

Su stilo sovente es describite como conventional ma con le mysticismo sempre presente. Isto sovente es monstrate in le metaphoros. Specialmente in le tractamento del sonio human e le natura le metaphoros floresce. P. ex.

Quando un catto jace e dormi in un camera il non ha multo plus pro un decorator de interiores a facer ibi.

Le anima abradeva contra le paisage assi como un barca abrade contra le ponte.
(Ex "Visage contra visage" in le collection ”Den halvfärdiga himlen”, Le celo demi-preste)

Eveliate in le tenebras on audi le constellationes de stellas calcar in lor stallas, in alto super le arbore.
(ex ”Storm” in le collection ”17 dikter”, 17 poemas).

Tranströmer es considerate como un stilista grande e es cognoscite pro saper exprimer le ambiente con solmente poc phrases. Su facultate creative post le apoplexia es associate con grande difficultates, lo que ille penetra in ”Sorgegondolen” (Le gondolo de lucto) e ”Den stora gåtan” (Le grande enigma). A causa del grande effortio que es requirite pro producer longe poemas, lo que ha essite characteristic pro Tranströmer, ille nunc sovente usa le curte forma de ”haiku”.

Con permission del autor Barbara Rubinstein, e Ami Hedberg ha traducite un poema a interlingua:

"Fatigate per personas qui veni con parolas
Con parolas, ma nulle lingua
Io vadeva al insula coperite per nive
Le salvage non ha parolas
Le paginas non scribite se extende in omne directiones
Io incontra tracias de ungulas de capreolo in le nive
Un lingua, ma nulle parolas"

"Från mars -79" ur samlingen "Det vilda torget" 1983, "De martio -79" ex le collection "Le mercato salvage" 1983

Ascolta hic un lectura del poema (si tu clicca con le button dextere del mus e selige "Aperi in un nove pagina (flik)", con le button sinistre, iste pagina remane e tu pote vider le texto in le mesme tempore)

INTERLINGUA in le feria Libro & Bibliotheca in Göteborg

2011-09-27T20:16:00.020+02:00

Durante le tempore 22-25 de septembre 2011 le Societate Svedese pro Interlingua (SSI) participava in le grande feria Bok & Bibliotek in Göteborg. Iste feria sole haber circa 100 000 visitantes, multes ab le estraniero, e iste anno duo laureatos del Premio Nobel, Herta Müller e Mario Vargas Llosa appareva.

SSI habeva un proprie stand in le feria ubi nos monstrava libros, distribueva brochures, vendeva dictionarios e altere libros e informava re interlingua.

In iste photo se vide Magdalena Voxerbrant, un membro futur?,
Nils Kangas, le capite del stand, e Erik Enfors,
vice-secretario e collaborator in le stand.

Nils Kangas ha dirigite le preparationes, lo que ha exigite multe tempore e effortios, in cooperation con i.a. Barbara Rubinstein , Inger Olsson e Alexandra Kangas. Ancora plus personas ha participate con le labor in le stand durante le dies del feria e centos de personas ha essite informate oralmente e con brochures re interlingua. Quasi omne visitantes ha devenite surprendite que interlingua es tanto facile comprender.

Multe personas monstrava interesse pro interlingua e scribeva lor nomines e adresses etc. in un lista que al fin contineva decenas de nomines. Le intention es que SSI debe contactar les e informar nostre membros in le mesme urbe como le persona interessate o in le vicinitate. Naturalmente nos spera que plures de iste personas essera membros de SSI.

Nos habeva expectate que plus membros de SSI habeva visitate le feria e nostre stand ma io admittte que il esseva difficile orientar se in iste evento gigantesc.

Nils Kangas e Ingvar Stenström,
secretario de SSI, qui informa un visitante.
In le fondo Inger Olsson, uno del collaboratores

Bengt Enqvist, vice-presidente de SSI e un juvene visitante

Durante plure annos Bengt Enqvist, qui es professor gymnasial retirate, ha inseniate interlingua in Laholm. Tamben iste anno ille ha un curso.

Ingvar Stenström (al sinistre) parla con un vistante multo interessate

Ingvar Stenström ha scribite un manual pro apprender interlingua, "le parve rubie de Ingvar", lo que se vide sur le tabula. Illo costa solmente 100 SEK e il ha un CD con un registration in le qual Stenström lege omne textos del libro. Le CD costa 50 SEK. Ille tamben ha scribite un dictionario Interlingua-svedese que costa 120 SEK.
Con iste medios il es possibile apprender interlingua ma naturalmente participation in un curso es ancora plus melior.

Il es possibile comprar iste medios in internet o directemente ab Stenström. Vide plus in www.interlingua.nu

Resolution del Incontro Nordic

2010-09-21T21:49:00.015+02:00

Durante le Incontro Nordic 2010 in Kalmar, Svedia, le organisationes nordic de interlingua decideva inviar iste resolution al Consilio Nordic, le minstros nordic de education e le portavoces del partitos politic

Version in interlingua:

Introduce interlingua in le scholas nordic

Resolution: Le comprension lingual nordic e international del scholares debe esser fortificate.

Omne scholares in le nordic scholas primari non solmente debe poter comprender le linguas del alteres. Illes anque debe haber un fundamento plus solide pro apprender linguas estranier e maestrar le parolas estranier in lor proprie lingua. Pro isto interlingua debe apparer in le horario ja in le scholas primari.

Le 12nde incontro nordic de interlingua in Kalmar que assembla participantes de novem
paises in e extra le paises nordic, sollicita le ministros nordic pro education, le portavoces politic pro education e le Consilio Nordic a fortificar le cognoscentias lingual in le scholas primari per introducer obligatori comprension lingual e usar le international lingua auxiliar interlingua, que in 2011 habera 60 annos, in le inseniamento. Isto da accesso rapide e effective al vocabulario international.

Le juvenes in le paises nordic lo senti sempre plus difficile comprender le linguas del alteres. Pro isto le Consilio Nordic de Ministros in le autumno lancea un campania lingual. Al mesme tempore danese, norvegiano e svedese debe apparer sur le horario ja in le 1me classe, le Consilio Nordic de Ministros constatava a un conferentia in april 2010.

Le plus tosto on ha le sentimento e gaudio pro linguas, le plus facile il es apprender e usar los.

Le motto de interlingua es “communication sin frontieras”. Ja in le 1960s on inseniava
comprension lingual per interlingua in le danese scholas primari, e durante plus que 20 annos svedese alumnos gymnasial in le disciplina “Cognoscentia general de linguas” ha apprendite interlingua pro non solmente poter comprender le particulas latin e grec que es le clave al parolas estranier in svedese e un via rapide al studio de altere linguas, ma anque per interlingua ha potite usar lor saper activemente in le vita quotidian pro contactos e viages in le estraniero. Interlingua ha in ultra essite usate como lingua de summarios medical e scientific, pro summarios in libros, sur discos etc.
Bon cognoscentias lingual es decisive pro poter communicar e obtener successo internationalmente. Pro isto le paises nordic debe ir in avante e assecurar que le scholares ja in le scholas primari ante toto comprende le linguas del alteres, pois ha le melior possibile puncto de partita pro le plus tosto possibile acquirer altere linguas. Isto eveni le plus rapide- e effectivementer per interlingua.

Informationes ulterior:
• Dansk Interlingua Union, sexretario Thomas Breinstrup, Kirkeholmen 10, 2630 Taastrup, Danmark. e-post: info(at)interlingua.dk
• Svenska Sällskapet för Interlingua, secretario Ingvar Stenström, Vegagatan 12, 432 36 Varberg, Svedia. e-post: secretario(at)interlingua.nu
• Norsk Interlingua Union, secretario Magne Heie, Andøyveien 7 H, 4623 Kristiansand, Norvegia. e-post: magne.heie(at)gmail.com
• Suomen Interlinguayhdistys, ordförande Allan Kiviaho, Stenbackavägen 16 E, 01620 Vanda, finland. e-post: allankiviaho(at)gmail.com
• Union Mundial pro Interlingua, secretario general Sven Frank, Postfach 100506, D-76486 Baden-Baden, Germania. e-post: secretario.general(at)interlingua.com

Clicca sur le imagine in supra pro aggrandimento

(Iste imagine es facite con le programma Wordle
www.wordle.net/create)

Wordle

2010-09-12T22:31:00.002+02:00

Clicca sur le imagine!
Klicka på bilden!

12e Incontro Nordic in Kalmar, Svedia

2010-08-09T15:15:00.075+02:00

Le participantes del cursos intensive ante le incontro.
Detra le camera Inger Olsson.
Clicca duo vices pro aggrandir le photo!

2010_07_29

Clicca sur le photo in supra pro vider plus photos!
(illos essera plus grande si on clicca sur illos)

Durante le 28 de julio - 1 de augusto 39 personas se incontrava in le collegio pro adultos de Högalid, Kalmar, pro perfectionar lor cognoscentias de interlingua e participar in le 12e Incontro Nordic.

Cursos
Duo cursos intensive initiava le incontro, uno pro comenciantes dirigite per Martijn Dekker, Nederland, e uno pro avantiatos dirigite per Bengt Enqvist. Ingvar Stenström, qui omne previe vices ha dirigite le curso pro comenciantes non poteva acceptar iste carga a causa de su sanitate ma ille tamen participava durante tote le tempore.

Incontro Nordic
Le Incontro Nordic comenciava postmeridie le 30 de julio e post apertura official e benvenitas le labor comenciava. Thomas Breinstrup, le redactor de Panorama, dirigeva labor in gruppos con cargas differente:
- Collaborar pro producer un libro in interlingua pro infantes
- Controlo de nostre servicio in internet
- Reclamo pro interlingua
- Establimento de un archivo commun de materiales pro le inseniamento de interlingua
Iste labor esseva reportate per le gruppos le proxime die.

Excursiones
Le participantes del cursos jam le 29 de julio faceva un visita rapide in autos al insula longe Öland que es connectite con le contintente de Svedia con un 6 km longe ponte. Le natura ibi es satis special a causa del terra calcifere. Nos visitava le ruina del Castello de Borgholm.

Le 31 de julio nos vadeva con autos a Kalmar, 8 km. In le Castello de Kalmar un guida contava re le historia interessante de Kalmar. Lege plus in http://ia.wikipedia.org/wiki/Kalmar. Le guida esseva interpretate per Ingvar Stenström e Thomas Breinstrup. Isto esseva un multo bon execitio in interlingua proque le ascoltatores ipse poteva essayar traducer lo que le guida dice ante que le interprete comenciava.
Post le visita in le castello nos comenciava un demonstration in le centro del urbe ubi Bengt Enqvist, le vice-presidente del Societate Svedese pro Interlingua (SSI), con su megaphono dispergeva nostre message durante que omne participantes distribueva imprimitos concernente interlingua. Multe personas los legeva con interesse.

Discursos
In le vespere le 30 de julio le autor de iste pagina pronunciava un discurso appellate "Imprimer su proprie libro in Lulu" e demonstrava isto, passo pro passo, con copias del schermo durante le processo in Lulu www.lulu.com
Il es de facto multo facile producer su proprie libro, mesmo in un singule exemplar. Un libro in formato A5 con 150 paginas e contento blanc-nigre ma con colores sur copertura molle costa solmente 8 €. Le porto postal intra le UE es circa 6 €, summa 14 €.

In le postmeridie le 31 de julio Ingvar Stenström, secretario del SSI pronunciava un discurso interessante, "Lo que nos deberea facer e lo que nos pote facer". Ille sublineava le necessitate pro interlinguistas esser plus visibile in le medios social como Facebook, ma non solmente in le paginas que se dirige a interlinguistas. Alteremente nos non disperge le cognoscentia de interlingua in le communitate.

Minifesta
In le vespere nos habeva un minifesta traditional. Le cocina del schola habeva arrangiate un repasto extraordinari e postea nos conversava e cantava cantos con Nils Kangas al piano.

A revider
Le incontro esseva claudite le 1 de augusto a 11 horas quando le reunion annual de SSI comenciava durante que le alteres preparava lor partitas e post le lunch a 12 horas nos diceva "a revider " post que Bengt Enqvist habeva regratiate le personal amabile del cocina e le arrangiatores local Lennart e Margareta Åberg qui vive in Kalmar.

Resolution

Durante le incontro iste resolution esseva approbate e inviate a Nordiska rådet (Le consilio Nordic), le ministros nordic de education, e le portavoces de questiones scholar del partitos parlamentari e Skolverket (Le autoritate administrative del scholas) .
Plure de illes immediatemente respondeva e promitteva considerar le proposition.
Ecce le resolution:

"Introduce interlingua in le scholas nordic

Resolution: Le comprension lingual nordic e international del scholares debe esser fortificate.

Omne scholares in le nordic scholas primari non solmente debe poter comprender le linguas del alteres. Illes anque debe haber un fundamento plus solide pro apprender linguas estranier e maestrar le parolas estranier in lor proprie lingua. Pro isto interlingua debe apparer in le horario ja in le scholas primari.

Le 12nde incontro nordic de interlingua in Kalmar que assembla participantes de novem paises in e extra le paises nordic, sollicita le ministros nordic pro education, le portavoces politic pro education e le Consilio Nordic a fortificar le cognoscentias lingual in le scholas primari per introducer obligatori comprension lingual e usar le international lingua auxiliar interlingua, que in 2011 habera 60 annos, in le inseniamento. Isto da accesso rapide e effective al vocabulario international.

Le juvenes in le paises nordic lo senti sempre plus difficile comprender le linguas del alteres. Pro isto le Consilio Nordic de Ministros in le autumno lancea un campania lingual. Al mesme tempore danese, norvegiano e svedese debe apparer sur le horario ja in le 1me classe, le Consilio Nordic de Ministros constatava a un conferentia in april 2010.

Le plus tosto on ha le sentimento e gaudio pro linguas, le plus facile il es apprender e usar los.

Le motto de interlingua es "communication sin frontieras". Ja in le 1960s on inseniava comprension lingual per interlingua in le danese scholas primari, e durante plus que 20 annos svedese alumnos gymnasial in le disciplina "Cognoscentia general de linguas" ha apprendite interlingua pro non solmente poter comprender le particulas latin e grec que es le clave al parolas estranier in svedese e un via rapide al studio de altere linguas, ma anque per interlingua ha potite usar lor saper activemente in le vita quotidian pro contactos e viages in le estraniero. Interlingua ha in ultra essite usate como lingua de summarios medical e scientific, pro summarios in libros, sur discos etc.

Bon cognoscentias lingual es decisive pro poter communicar e obtener successo internationalmente. Pro isto le paises nordic debe ir in avante e assecurar que le scholares ja in le scholas primari ante toto comprende le linguas del alteres, pois ha le melior possibile puncto de partita pro le plus tosto possibile acquirer altere linguas. Isto eveni le plus rapide- e effectivementer per interlingua."

Interlingua - Instrumento moderne de communication international (Versión española)

2010-03-23T16:33:00.030+01:00

Il ha multe libros in interlingua in Lulu

Iste libro es le version espaniol del del curso famose per Ingvar Stenström. Le traduction del commentarios es facite per Josu Lavin. Illo ha essite traducite in 14 linguas. Interlingua - le lingua in linguas, es multo utile tamben pro illes qui ha anglese como lingua materne e iste version ha essite desirate durante longe tempore.

-Le diffusion global del vocabulario international – le parte del latino e del greco que supervive in le linguas moderne – es un facto historic. Interlingua es un registration de iste realitate linguistic, un denominator commun del idiomas de origine europee, e non un lingua artificial fabricate secundo arbitrari preferentias de un sol persona.-
Interlingua pote esser apprendite in un fraction del tempore necessari pro apprender mesmo un cognoscentia superficial de un lingua national e te possibilisa de communicar con illes qui parla italiano, espaniol o portugese. In plus tu notabilemente expande tu vocabulario international concernente parolas cultural e terminologia scientific e technologic.

Compra le libro in internet directemente ab Lulu.
Le adresse es www.lulu.com/content/8098521 .
Le precio includente porto postal depende del pais al qual illo essera inviate ma illo es circa 18 €.
Tempore de livrantia le plus sovente minus que duo septimas.
Vide plus in www.interlingua.com ubi tu tamben pote comprar le libro in le ligamine "Libros e litteratura" / "Libros publicate per Lulu"

Español:
Este es un curso introductorio a Interlingua, la versión en español del famoso curso de Ingvar Stenström, Suecia, que ha sido traducido ya a 14 idiomas. La traducción de los comentarios ha sido realizada por Josu Lavin. “Interlingua – la lengua dentro de las lenguas”. – La difusión global del vocabulario internacional – la parte del latín y del griego que sobrevive en las lenguas modernas – es un hecho histórico. Interlingua es el registro de esta realidad lingüística, un denominador común de los idiomas de origen europeo, y no una lengua artificial fabricada según las preferencias arbitrarias de una sola persona. – Interlingua se puede aprender en menos tiempo que el requerido para obtener tan sólo un conocimiento superficial de una lengua nacional, y nos ofrece un medio de comunicación con aquellos que hablan italiano, portugués y otras lenguas románicas. Además Interlingua nos permite aumentar considerablemente el vocabulario culto en español y acceder a la terminología científica y tecnológica.

Interlingua - Instrumento moderne de communication international (version anglese)

2009-12-19T17:22:00.028+01:00

Il ha multe libros in interlingua in Lulu

Iste libro es le version anglese del del curso famose per Ingvar Stenström. Le traduction del commentarios es facite per Catriona Chaplin. Illo ha essite traducite in 14 linguas. Interlingua - le lingua in linguas, es multo utile tamben pro illes qui ha anglese como lingua materne e iste version ha essite desirate durante longe tempore.

-Le diffusion global del vocabulario international – le parte del latino e del greco que supervive in le linguas moderne – es un facto historic. Interlingua es un registration de iste realitate linguistic, un denominator commun del idiomas de origine europee, e non un lingua artificial fabricate secundo arbitrari preferentias de un sol persona.

Interlingua pote esser apprendite in un fraction del tempore necessari pro apprender mesmo un cognoscentia superficial de un lingua national e te possibilisa de communicar con illes qui parla italiano, espaniol o portugese. In plus tu notabilemente expande tu vocabulario anglese concernente parolas cultural e terminologia scientific e technologic.

Compra le libro in internet directemente ab Lulu.
Le adresse es www.lulu.com/content/7890234 .
Le precio includente porto postal depende del pais al qual illo essera inviate ma illo es circa 15 €.
Tempore de livrantia le plus sovente minus que duo septimas.
Vide plus in www.interlingua.com ubi tu tamben pote comprar le libro in le ligamine "Libros e litteratura" / "Libros publicate per Lulu"

In English:
This is the English version of the famous course by Ingvar Stenström, Sweden, which has been translated into 14 languages. “Interlingua – the language within languages”. is very useful even for those who have English as native language and this version has been desired for a long time.

– Le diffusion global del vocabulario international – le parte del latino e del greco que supervive in le linguas moderne – es un facto historic. Interlingua es un registration de iste realitate linguistic, un denominator commun del idiomas de origine europee, e non un lingua artificial fabricate secundo arbitrari preferentias de un sol persona.

Interlingua can be learnt in a fraction of the time required to get just a superficial knowledge of a national tongue, and it gives you a means to communicate with those who speak Italian, Spanish, or Portuguese. In addition you tangibly increase your English vocabulary of cultural words and scientific and technological terminology.

Buy this book in interneet directly from Lulu.
The address is www.lulu.com/content/7890234 The price including postage depends on the country to which it will be sent but to Great Britain the price is 15 £. Time required for delivrance in most cases is less then two weeks.
Further information in www.interlingua.com where you also can buy this book in the link "Libros e litteratura" / "Libros publicate per Lulu"

Interlingua e su promotion durante 50 annos

2009-02-09T10:55:00.038+01:00

Le historia de UMI per Ingvar Stenström

nunc es comprabile in internet
Toto de interlingua e interlinguistas in tote le mundo

Il es necessari haber carta de credito pro comprar lo in internet. Le precio es 18,29 euro. incl. porto (a Svedia e plure altere paises europee).

Le desde longe tempore expectate libro de Ingvar Stenström ”Interlingua e su promotion durante 50 annos” contine 270 paginas A5, con multe photos. Iste libro es multo interessante e debe esser legite per omne personas qui es interessate in interlingua. Stenström ha participate in omne conferentias international excepte un e su bon rememorias de iste eventos es remarcabile.

Iste libro da un vista fascinante, con multe photos, a in un mundo de pioneros, qui durante plus que 50 annos ha laborate intensivemente pro lor conviction que le mundo besonia un lingua international neutral pro realisar le belle pensata, que tamben ha devenite le motto de UMI:

Communication sin frontieras – communication pro crear comprension inter individuos e inter nationes.

Svedeses qui besonia adjuta comprar iste libro pote contactar Erik Enfors, tel. 0340-875 45, secretario@interlingua.nu qui post pagamento in avantia lo ordinara. Alora le precio es 220 SEK (hodie). Le tempore de livrantia sole esser circa 14 dies. Paga a Plusgiro 66 88 78 - 2, Ingvar Stenström, post accordo con Erik Enfors.

Le vidua (ex Fragmentos del vita intime del ancestres)

2009-02-08T19:31:00.043+01:00

per Onofrio Notarstefano

Lectura per Erik Enfors

In iste libro in interlingua, "Fragmentos del vita intime del ancestres" per Onofrio Notarstefano, Italia, il ha trenta curte contos divertente pro personas qui non se senti malmente emotionate per burlas con allusiones intimissime. Io intende leger uno de illos hic, "Le vidua".
Compra iste libro e lege tote le altere contos. Le libro es vendite solmente in internet per Lulu e on pote comprar lo con carta de credito o PayPal. Le adresse es http://www.lulu.com/content/5080929 e le precio es 13,00 euro. Le porto postal es 5,67 euro (a Svedia).
Bon lectura!
In infra vos pote ascoltar un registration del texto in le mesme tempore como vos pote leger le texto. Ma non oblida essayar ascoltar sin leger, isto es bon pro le capacitate comprender interlingua parlate.

Vad är interlingua?

Que es interlingua?

Clicca in le fenestra de eSnips in infra pro ascoltar
Si le lectura non comencia preme le button "Get this Widget" e clicca in le nove fenestra que se aperi.

Get this widget

Track details

eSnips Social DNA

Gelsomina, vidua inconsolabile e ancora placente. Le plus le tempore passava le minus illa poteva resister al privationes, sia moral sia material, que le mancantia de su sposo, jam brave jardinero, la procurava. Post haber multo promenate, demandate, implorate, finalmente un experte maga de su pais, qui esseva anque un ”proxeneta”, la resolveva le problema.
”Io ha le poter de parlar con le mortos”, illa diceva. ”Tu marito me ha dicite que ille ha habite un particular permission a causa de su meritos. Omne vespere ille venira a te e consolara tu dolor. Lassa le porta aperte! Ma que tu face ben attention: tu marito non pote parlar e le incontros debera haber loco in le plus complete obscuritate. Si tu cercara vider le o parlar le, ille non potera plus venir a te”.
“Que tu non face stupiditates, il es in tu interesse: seque iste regulas strictemente. Tu marito continua su multo appreciate labor de jardinero anque in paradiso, e omne die ille te portara su paga.
Que tu ben recorda : le medietate del paga debera essser le mie. Assi io ha negotiate con le anima benedicte.”
Gelsomina iva via satisfacite. Desde ille vespere illa comenciava reciper le visitas de su marito. Le sposo la caressava per dar la comforto, satsifaceva su deberes conjugal e lassava le moneta.
Assi per ille strata esoteric, multe masculos del pais, nocte post nocte, secundo un calendario stabilite per le maga proxeneta, poteva profitar del gratia ancora interessante del bon e devote Gelsomina.
Un vespere, le parocho, qui esseva un experto de animas, e que, ergo, jam plure vices habeva portate conforto a Gelsomina in le vestimentos terren del defuncto, in le impeto del incontro, faceva accender, sin voler lo, le lampada sur le tabula de nocte.
Gelsomina, qui qualcosa al fin debeva haber comprendite, resolveva le situation, dicente: ”Patre, vos ha essite multo gentil. Securmente iste nocte mi marito non ha potite venir e ille ha inviate vos a facer le commission”.

Un aventura in le Mar Rubie

2009-01-14T21:40:00.020+01:00

Iste historia es publicate previemente in le revista Panorama no 4-2004, sub le nomine
”Ancora il ha homines honeste”.
Tu pote audir mi lectura de iste historia in infra. Clicca sur le button in le fenestra de esnips e attende un curte tempore. In infra tu pote leger le texto in le mesme tempore.
Si le lectura non comencia preme le button "Get this Widget" e clicca in le nove fenestra que se aperi.

Get this widget

Track details

eSnips Social DNA

Isto es un historia authentic re un evento ante alcun annos in Israel. Mi sposa e io vadeva a ibi insimul con duo amicos pro celebrar mi sexantesime anniversario. Post un septimana quando nos viagiava in tote le pais nos anque voleva baniar alcun dies in le Mar Rubie in Eilat.

Un die quando nos habeva jacite sur le plagia durante multe horas nos decideva vader a un café. Nos quittava nostre vestimentos sur le plagia ma naturalmente io debeva haber mi portafolio e io lo poneva in le tasca al reverso del calceones a baniar. Quando nos retornava al plagia io ipse decideva baniar un ultime vice ma mi sposa e amicos remaneva su le plagia. Io natava a foras in le aqua equipate con snorkel e cyclope reguardante le belle pisces e corallos colorose. Io anque videva duo scafandreros natante in le direction opposite al longe le fundo del mar multe metros sub me.

Quando io retornava al plagia mi sposa me demandava con un surriso ironic: Ubi es tu portafolio? Alora io rememorava que io lo habeva ponite in le tasca e nunc illo esseva disparite. Naturalmente io esseva multo anxie, e post haber vidite mi confusion e horror un longe tempore, mi amicos finalmente diceva, que illes ante dece minutas habeva audite duo scafandreros camminante al longe le litore critante in anglese: "Es Erik Enfors hic?"

Primarimente mi amicos esseva multo espaventate e confundite, ma fortunatemente illes respondeva post un tempore de hesitation. Le scafandreros alora demonstrava un portafolio totalmente humide que illes habeva trovate sur le fundo del mar, inter le scolios de corallos, plus que cento metros ab le litore. Pois que mi sposa poteva demonstrar su carta de identitate con le mesme nomine, Enfors, illa recipeva le portafolio e illa poteva constatar que illo ancora contineva e moneta e cartas de credito.
Naturalmente illa les offereva un gratification ma illes refusava reciper lo e vadeva verso le parcamento.

Quando io audiva isto io tosto vadeva al parcamento pro regratiar les e de facto io les trovava ibi. Io parlava un longe tempore con illes e io poteva constatar que illes esseva studiantes universitari. Quando io de novo offereva un gratification pro haber essite tanto honeste, illes finalmente lo acceptava. Il haberea essite satis costose pro me, si io non habeva retrorecipite le portafolio, perque illo excepte moneta anque contineva e le licentia a conducer e le carta de parcamento del aeroporto in Svedia e alcun altere papiros importante.

Post iste evento fortunate mi amicos me consiliava comprar billetes de lotterias a causa de mi grande fortuna quando io retornava a Svedia, e de facto io anque comprava un tal. Ma alora le Dea de Fortuna me habeva abandonate, e apparentemente illa opinava que lo que jam habeva evenite esseva plus que sufficiente pro me.

Mi prime viage al estraniero

2008-08-31T20:04:00.008+02:00

A basso tu pote audir iste lectura in le mesme tempore como tu lo lege!

In 1952, quando io habeva dece-quatro annos, io e un camerada de schola recipeva billetas de nostre parentes pro un viage con autobus a Halden in Norvegia, circa 160 km distante ab nostre urbe Vänersborg in Svedia. In ille tempore il esseva popular comprar margarina e certe altere productos alimentari in Norvegia ubi le precios sovente esseva plus basse, specialmente del margarina. A causa de isto multe companias de autobus arrangiava viages a Norvegia. Io crede que nos esseva le plus juvene personas in le autobus e nos certo non esseva interessate de compras, ma lo que nos interessava esseva un altere scopo del viage, a saper un visita al fortalessa Fredriksten presso Halden ubi le rege svedese Karl XII esseva occidite in le anno 1718. Con grande interesse nos ascoltava le historia re iste evento historic e le guida tamben demonstrava exactemente ubi le rege habeva essite quando ille esseva fusilate. Multe historicos crede que isto forsan non esseva un colpo de foco causal ma plus probabile un homocidio committite per un svedese qui odiava le guerras continue initiate per iste rege.
Quando nos retornava al centro de Halden le plus viagiatores comenciava facer lor compras in le urbe ma io e mi camerada remaneva sur le placia ubi le autobus esseva parcate. Nos besoniava alque a mangiar e vadeva a un kiosque ubi nos videva altere personas mangiar salcicias con pan e nos comprava cata uno le sue. Ma que poterea juvene pueros biber in iste urbe estranier. Quando nos demandava le venditor ille tosto demonstrava duo botilias con un forma extrememente estranie, que nos nunquam habeva vidite, continente un fluido brun, e ille nos convinceva comprar los. Nos esseva multo suspiciose ma lo faceva e vadeva al autobus con le botilias e le salcicias. Alora nos discoperiva sur le kiosque un texto multo alarmante: “Pölser” (=salcicias in norvegiano). Ma nos credeva que ille parola deberea significar le mesmo como “pilsner” (=birra in svedese). Nos nunquam habeva bibite birra e quando nos probava ille fluido brun nos lo trovava detestabile e tosto nos esseva convincite que illo certo debeva esser un forma de birra o forsan alque plus forte. Reconsiderante que nos forsan devenirea inebrietate o mesmo debeva vomitar durante le viage retro a Svedia nos non osava biber le bibita. Que facer? Nos aperiva le fenstra in le autobus e versava le fluido al guttiero quando nos esseva secur que necuno lo videva.
Isto esseva mi prime experientia con Coca-Cola. Iste bibita esseva introducite in Svedia solmente le anno sequente, 1953. Quando io ha contate iste historia a mi infantes e graninfantes illes ha ridite multo a causa de mi ignorantia incredibile.

Ascolta iste historia hic!
Si le lectura non comencia preme le button "Get this Widget" e clicca in le nove fenestra que se aperi.

Get this widget

Track details

eSnips Social DNA

"Le mar", ex le libro "Le bosco ancestral"

2008-02-16T13:40:00.007+01:00

Ex le libro "Le bosco ancestral", per Onofrio Notarstefano, vos pote ascoltar un lectura per Erik Enfors del mytho "Le mar".
Le libro contine 35 contos que como thema central ha le damnos que le intolerantia, le mal coexistentia, genera. Cattos, specialmente un certe catto, es multo importante pro le author, e plure historias del libro se tracta de iste animal, ma non iste historia.
On pote comprar le libro in internet ab "Lulu.com" e illo costa solmente 12€ plus 5,67 € pro porto (a Svedia).
Compra iste libro e lege lo!

Get this widget

Track details

eSnips Social DNA

Si le lectura non comencia preme le button "Get this Widget" e clicca in le nove fenestra que se aperi.

Alcun sculpturas public in Varberg Några offentliga skulpturer i Varberg

2008-01-31T08:50:00.092+01:00

per Roland Svensson (factos) e Erik Enfors (factos e photos)

Iste texto es in interlingua (clicca hic) e svedese / Denna text är på interlingua (klicka här ) och svenska.

Varberg es un urbe in le sud-west de Svedia 70 km al sud de Göteborg e isto es un description de su sculpturas public.

Le ordine del objectos es le mesme como durante un excursion de arte a pede, dirigite per Roland Svensson 2007-10-27, que comenciava e finiva al parcamento del porto, un distantia de circa 5 km. In plus es hic demonstrate alcun objectos ulterior que non esseva demonstrate durante le excursion. Ille qui desira vider le objectos no 21-23 a pede debe preparar se pro un promenada ulterior de 2 km. Ma il es facile parcar le auto in le vicinitate de iste objectos. Al fin es hic demonstrate alcun objectos que non es situate equalmente central, a saper no 24-25 al cemeterio de Sancte Jörgen (Trädlyckevägen), lo que exige un promenada scarpate de circa 700 m, no 26 in Stenåsa, no 27 presso Östergården (Träslövsvägen), no 28 presso Le Hospital (Sjukhuset), no 29 presso Sparbankshallen e no 30-32 in le bordo al sud del citate. Il es facile parcar in le vicinitate de iste objectos (26-32)

Vide le mappas a basso del ultime objecto!

Parolas que es marcate con color blau es ligamines cliccabile!

Clicca sur le imagines e le mappas pro facer los plus grande!

Turordningen är densamma som under en konstvandring, ledd av Roland Svensson 2007-10-27, som utgick från och slutade vid hamnparkeringen, en sträcka på ca 5 km. Dessutom visas här ytterligare några objekt som inte visades på vandringen. Den som även vill se objekten nr 21-23 till fots får bereda sig på en promenad på ytterligare 2 km. Men det går lätt att parkera bilen nära dessa objekt. Slutligen visas här några objekt som inte ligger lika centralt nämligen nr 24-25 på S:t Jörgens kyrkogård (Trädlyckevägen) vilket kräver ca 700 m backig promenad, nr 26 i Stenåsa, nr 27 vid Östergården (Träslövsvägen), nr 28 vid Sjukhuset, nr 29 vid Sparbankshallen samt 30-32 i södra utkanten av staden. Det är lätt att parkera nära dessa objekt (26-32).

Se kartorna nedanför sista objectet!

Ord som är markerade med blå färg är klickbara länkar!

Klicka på bilderna och kartorna för att göra dem större!

1. Cavitate/ Hålrum (2006) 2008

bronzo patinate / patinerad brons

Eva Hild f. 1966

Sparsör

Le porto, presso Campus

Hamnen, vid Campus

Le prime version, in aciero inoxydabile 2006, regretabilemente tosto esseva damnate per corrosion e esseva substituite per mediation del artista con iste nove version in bronzo patinate 2008. Le artista ha create multe altere obras simile, preferibilemente in ceramica.
Altere obras: http://math.albany.edu/math/pers/artmath/art/eh.pdf

Den första versionen, i rostfritt stål 2006, blev tyvärr snabbt skadad av korrosion och ersattes genom konstnärens försorg av denna nya version i patinerad brons 2008. Konstnären har skapat många andra liknande verk, mest keramik.
Andra vek: http://math.albany.edu/math/pers/artmath/art/eh.pdf

2. Concha crescente / Spirande snäcka 1996

placa de cupro / kopparplåt

Walter Bengtsson (1927-1998) Halmstad

Loco: Le porto, presso le edificio del doana /

Hamnen, vid tullhuset

Le spiral de placa de cupro ha previemente essite usate pro transporto de saccos inter le etages del magasin del porto.

Plåtspiralen har tidigare använts för transport av säckar mellan våningarna i hamnmagasinet.

Ille tamben ha facite no /Han har även gjort nr 13, 26

Altere obras/ Andra verk

3. Le puero con le oca de auro/

Gossen med guldgåsen 1950

bronzo/brons

Einar Luterkort (1905-1981)

Loco: Le rosario in Societetsparken/Rosengården i Societetsparken

Secundo un conto del danese H.C. Andersen/

Efter en saga av H.C. Andersen

Le narration del artista re iste obra esseva:

"Un povretto qui besonia un oca de auro como un compensation modeste pro tote le caritate e calor ille manca. Que homines le contacta, ille non es le imagine de un farfaron qui desire esser vidite e reciper applauses."

Konstnärens egen berättelse om arbetet löd:

"En liten pojkstackare som behöver en guldgås som en ringa kompensation för all kärlek och värme han saknar. Låt människor söka upp honom, han är inte bilden av en storskrävlare som vill synas och få applåder."

4. Petras con aqua / Vattenstenar 1985

petras natural / natursten

Matti Rylander (Viborg, Finland)

1936-2004

Loco: Societetsparken

5. Le statua de Gustav Ullman / Gustav Ullmanstatyn 1948

bronzo / brons

Gustav Ullman esseva un scriptor e lyrico del provincia Halland.

Gustav Ullman var en halländsk författare och lyriker.

Nanna Ullman (1888-1964)

Loco: Al nord del fortalessa / Fästningens norra sida

Nanna Ullman esseva nascite in Copenhagen. Filia del "Pictor de Skagen" Viggo Johansen.

Maritate con le fratre del autor Gustav Ullman, le pictor Sigrid Ullman (1866-1960), uno de "Le juvenes.

Illa tamben ha facite "Discussion" presso Korsvägen in Göteborg (opposite del Universeum) e no 12 "Le cavallo e le paisano"

E Nanna e Sigfrid es interrate in le cemeterio de S:t Jörgen ubi le tumba es decorate con relievos con protraites de bronze.

Nanna Ullman föddes i Köpenhamn. Dotter till Skagenmålaren Viggo Johansen. Gift med Gustav Ullmans bror Sigfrid Ullman (1866-1960), en av ”De Unga”.

Har även gjort ”Diskussion” vid Korsvägen i Göteborg (mittemot Universeum).

E Nanna e Sigrid es interrate al cemeterio de Sancte Jörgen ubi le tumba es ornamentate con relievos de portrait a bronzo (Vide mappa)

Både Nanna och Sigfrid är begravda på S:t Jörgens kyrkogård där graven pryds av porträttreliefer i brons. (Se karta)

Vide tamben no/ Se även nr 12

6. Commemoration del pace ante 650 annos / Ett 650-årsminne

1993

granito/granit

Harry Kivijärvi

(f. 1931 i. Finland)

Loco: Al sud del fortalessa / Söder om fästningen

Al commemoration del pace e le election de rege Håkan Magnusson (in svedese)1343 que habeva loco in le fortalessa.

Till minnet av freden och valet av kung Håkan Magnusson 1343 som ägde rum i fästningen.

7. Le monumento de Rantzau / Rantzaumonumentet 1938

relievo de bronzo / bronsrelief

Loco: Le Rocca de Rantzau al sud del fortalessa

Rantzauklippan söder om fästningen.

Reliveo con imagine del commandante danese Daniel Rantzau 1529 - 1569, le vincitor del battalia de Axtorna 1529-10-20, qui sur iste placia esseva colpate in le ventre per un balla de canon que habeva essite discargate ab le Fortalessa de Varberg, que alora durante un curte tempore esseva conquerite per le svedeses

Relief föreställande den danske härföraren Daniel Rantzau 1529-1569, segraren i slaget vid Axtorna 1565-10-20, som på denna plats 1565-11-11 lär ha träffats av en kanonkula i magen avfyrad från Varbergs fästning

Inscription: ”DIVERSO TEMPORE DIVERSA FATA”,

lo que es latino pro " TEMPORES DIVERSE DESTINOS DIVERSE

Inskription: ”DIVERSO TEMPORE DIVERSA FATA”,

vilket är latin för ”SKILDA TIDER SKILDA ÖDEN”

8. Kraka

bronzo / brons

Gustaf Nordahl (1903-1992)

Loco: Opposite de / Mitttemot Bandholtzgat. 16 (=Krabbes väg 8)

(Placeringen av en kompostbehållare bredvid skulpturen
är en förolämpning mot konstnären!)

”Quando le famose viking Ragnar Lodbrok arrivava con su naves e videva Kraka ille esseva inamorate. Pro testar si illa esseva tanto sage como il esseva dicite ille la peteva venir nude ma totevia vestite, jejun ma totevia satiate, sol ma totevia non sol.

Le die sequente Kraka veniva a ille con su longe capillos e un rete de pisca como vestimentos. Illa habeva un cibolla sur lequal illa habeva mordite e un parve can que la sequeva”

Lege re Ragnar Lodbrok in plure linguas.

”När Ragnar Lodbrok kom med sina skepp och såg Kraka blev han förälskad. För att pröva om hon var så klok som det sagts bad han henne komma naken men ändå påklädd, fastande men ändå inte fastande, ensam men ändå inte ensam.
Nästa dag kom Kraka till honom med sitt långa hår och ett fisknät som kläder. Hon hade en lök som hon har bitit i och en liten hund som följde efter henne”. (Se även)

9. In le pastura estive / I sommarhagen 1951

beton fundite / stengöt

Emil Näsvall (1908-1965)

Adresse: Krabbes väg 6-8 (detra un haga)

Krabbes väg 6-8 (bakom en häck)

Vide tamben / Se även nr 14, ”Maj”

10. Motivo athletic / Idrotts motiv 1964

bronzo / brons

Bertil Lundgren

Varberg

Le sala sportive / Idrottshallen,

Adresse: : Danska vägen

11. Le Cinderella / Askungen 1950

marmore blanc / vit marmor

Stig Blomberg (1901-1970)

Adresse: Drottning Blankas plats

Le mesme sculptura se trova tamben i Kålltorp, Skövde e Kristianstad

Finns även i Kålltorp, Skövde och Kristianstad

Iste famose sculptor ha inter multe altere obras facite Ask e Embla in Sölvesborg.

Denna berömde skulptör har bland många andra verk även gjort Ask och Embla i Sölvesborg

12. Le cavallo e le paisano / Hästen och bonden 1965

bronzo / brons

Nanna Ullman (1888-1964)

Adresse: Kvarnliden (S. vägen, Opposite de / mittemot Rosenfredsskolan)

Vide tamben / Se även nr 5, ”Gustav Ullmanstatyn”

13. Apollon 1996

Walter Bengtsson (1927-1998)

Adresse: Snidaregat. 6 (Vidibile ab le parcamento de Kvantum/Syns från Kvantumparkeringen)

Iste obra esseva intendite pro le communa Halmstad ma on lo refusava e illo nunc pertine a Göran Lindebergs Fastighetsförvaltning

Detta verk var avsett för Halmstads kommun men man refuserade det och det tillhör nu Göran Lindebergs Fastighetsförvaltning.

Altere obras/ Andra verk

Ille tamben ha facite no 2 e 26/Han har även gjort nr 2 och 26.

14. Maio / Maj 1951

bronzo / brons

Emil Näsvall (1908-1965)

Loco: Foras de/ Utanför Sparbanken, presso /vid Drottninggatan

Vide tamben / Se även nr 9

15. Juvenes baniante / Badande ungdom 1937

bronzo / brons

Bror Marklund (1907-1977)

Loco: Le fontana sur le placia / Torgfontänen

Ille tamben ha facite "Thalia" in le Theatro muncipal de Malmö e le portas de bronzo, "Le Hereditage del Ancestres" in le Museo Historic, Stockholm

Le prime sculptura public in Varberg

Han har även gjort ”Thalia” på Malmö stadsteater

och bronsportarna till Historiska museet, ”Fädernas arv”.

Varbergs första offentliga skulptur.

16. Le joco del lucio / Gäddleken 1955

bronzo / brons

Clarence Blum (1897- 1984)

f. i Liverpool

Loco: Foras / Utanför Sparbanken, presso /vid Kungsgatan

Ille tamben ha facite le belle fontana al entrata de Eastmaninstitutet in Stockholm

Han har även gjort den vackra fontänen vid Eastmaninstitutets ingång i Stockholm.

17. Findimento / Klyvning 1992

charnockite /charnockit

Roland Ohlsson

Varberg

Adresse: Torggatan

Ille tamben ha facite no/

Han har även gjort nr 30, 32

Facite de charnockite (Granito de Varberg) que es verdastre. Le base de Sparbankshuset tamben consiste de charnockite. (Es vidite in le fundo del imagines 15- 16)

Charnockite es le "Petra del provincia" del provinvia Halland ubi Varberg es situate.

Gjord av charnockit (Varbergsgranit) som är grönaktig. Sparbankshusets sockel är också av charnockit. (Syns i bakgrunden på bild 15 och 16)

Charnockit är ”Hallands landskapssten”

Extraction de petras es un labor que ha essite multo importante in tempores passate in Varberg e iste obra de arte rememora a ille periodo. Illo tamben demonstra le technica de iste labor. In le fundo il ha plure altere partes de iste obra.

Stenbrytning är ett arbete som har varit mycket viktigt förr i tiden i Varberg och dett verk påminner om den perioden. Det demonstrerar även tekniken med detta arbete. I bakgrunden finns flera andra delar av detta verk.

18. Le cyclo del vita / Livscykeln 1975

bronzo / brons

Bernhard Andersson (1898-1983)

Halmstad

Loco: Brunnsparken (Kyrkogatan)

19. Le fonte de Torell / Torellbrunnen 1970

Edvin Öhrström (1906-1994)

Halmstad

Presso / Vid Gallerian

Al memoria del geologo e explorator polar Otto Torell 1828-1900.

Vide tamben no 22 "le Puera primaveral".

Öhrström qui es un del plus famose artistas de Svedia tamben ha facite le 37 m alte "Kristall, accento vertical de vitro" sur le "Placia de Sergel" in Stockholm.

Till minne av geologen och polarforskaren Otto Torell 1828-1900.

Se även nr 22 ”Vårflickan”.

Öhrström som är en av Sveriges mest berömda konstnärer har även gjort den 37 m höga ”Kristall, vertikal accent i glas ”på Sergels torg i Stockholm..

20. Sur le sentiero al ecclesia / På kyrkstigen 1944

Erik Nilsson (1903-1982)

Halmstad

Loco: Engelska parken

21. Musica 1994

bronzo / brons

Peter Mandl

(f. 1947 i Prag)

Le parco al / Parken vid Kungsgat. 12

Vide tamben no 25 "Figura feminin"

Se även nr 25, ”Kvinnogestalt”

Altere obras / Andra verk

22. Le puera primaveral / Vårflickan 1950

bronzo / brons

Edvin Öhrström

(1906- 1994)

Le parco supra Folkets Hus (Le Casa del Populo) Parken ovanför Folkets Hus.

Vide tamben no 19 "Le fonte de Torell"

Se även nr 19, ”Torellbrunnen”.

23. Imbracio / Kram 1983

Lennart Linjer

Varberg

Adresse: Borgmästargatan 29

Le faciada lateral / Husgaveln

Le obra ha le forma de un timbro svedese con le valor 1 Kr. Le texto es: "Da Svedia 1 umbracio."

Verket har formen av ett svenskt frimärke med valören 1 Kr. Texten är: "Ge Sverige 1 KRam"

24. Matre lugente / Sörjande moder 1978

bronzo / brons

Tore Heby (f. 1933)

Le cemeterio de S:t Jörgen
( in supra presso le turre de aqua)

S:t Jörgens kyrkogård
(långt upp nära vattentornet)

Un obra multo expressive!

Ett mycket uttrycksfullt verk!

25. Figura feminin / Kvinnogestalt 1988

bronzo / brons

Peter Mandl

(1947 nascite in Praha / född i Prag 1947)

Le cemeterio de S:t Jörgen ( sur le inclination verso le strata Gödestadsvägen)

S:t Jörgens kyrkogård (på sluttningen från vattentornet ner mot Gödestadsvägen

Vide tamben no 21"Musica"

Se även nr 21, ”Musica”

Altere obras/ Andra verk

26. Le gallo/Tuppen 1996

Walter Bengtsson (1927-1998)

Adresse: Egils gränd 117, Stenåsa, sur le tecto del lavatorio/ på tvättstugetaket

Pertine a / Tillhör Göran Lindebergs Fastighetsförvaltning

Altere obras/ Andra verk

Walter Bengtsson tamben ha facite no 1 e 30/Walter Bengtsson har även gjort nr 2 och 13

27. Juvene puera / Ung flicka 1968

bronzo / brons

Åke Jönsson (1921-1992)

Adresse: Östergården (Träslövsvägen 8)

28. Juvene puero de Naims (Nain) / Jüngling von Naims

bronzo / brons

Hanspeter Widrig

(nascite in 1945 i Tyskland)

(f. 1945 i Tyskland)

Allude al filio del vidua de Naims (Nain) que esseva facite renascite per Jesus. Vide Evangelio de Lucas 7:11-15

Syftar på ”Änkans son i Nain” som återuppväcktes från det döda av Jesus. Se Luk. 7:11-15.

Loco: Le passage al sinistre del entrata principal del hospital.

Plats: Gången till vänster om Sjukhusets huvudentré

29. Le pisce del luna / Månfisken 1961

soldatura / svetsteknik

Lennart A-son

Le entrata de Sparbankshalllen al parcamento grande.

Sparbankshallens entré vid stora
parkeringen

30. Partita nigre /Svart uppbrott 2006

diabase/diabas

Roland Ohlsson (f. 1944)

Varberg

Adresse: Söderhöjdsgatan (strata transversal de /tvärgata till Södra vägen)

Pertine a /Tillhör Varbergs Bostads AB

Tamben diabase on ha potite taliar previemente in Varberg ma non iste petras.

Även diabas har kunnat brytas tidigare i Varberg men inte dessa stenar.

Ille tamben ha facite no/Han har även gjort nr 17, 32

31. Aves migratori/Le retorno 1992

Flyttfåglar/Återkomsten 1992

aciero inoxydabile/rostfritt stål

Rune Malmström

(f. 1929)

Torestorp

Adresse: Apelvikshöjd, Ranelidsgat. 13

Pertine a/Tillhör Varbergs Bostads AB

Ille tamben ha facite no/ Han har även gjort nr 32

32. Le unda/Vågen

Roland Ohlsson (f. 1944)

(petras/stenar)

e/och

Rune Malmström

(aciero inoxydabile/rostfritt stål)

Adresse:Rullstensbacken 1-3

pertine a /Tillhör Varbergs Bostads AB

Inspirate per le poema "Le Unda" per Ture Isaksson

Inspirerad av dikten "Vågen" av Ture Isaksson

Olsson tamben ha facite no 17 e 30

Olsson har även gjort nr 17 och 30

Malmström tamben ha facite no 31

Malmström har även gjort nr 31

Mappas / Kartor

Clicca sur le mappas pro facer los plus grande!

Klicka på bilderna för att göra dem större!

Nr 1-23

Nr 24-26

Ullmans gravreliefer/ Le relievos del tumba de Ullman

Nr 27-32 i östra och södra stadsdelarna

No 27-32 in le partes del est e del sud del citate.

Le nove logo de SSI

2007-09-17T17:57:00.000+02:00

Isto es le nove logo del Societate Svedese pro Interlingua (SSI). Le imagine (in supra) pote esser usate quando on require buttones con iste imagine ab www.knapp.nu. Copia le imagine in supra e carga lo in tu computator, preferibilemente in forma ".jpg". Postea il es multo facile sequer le instructiones in "knapp.nu" e requirer le button.
Tal buttones costa 10:- SEK plus porto (al minus 20:-).
Le logo es designate per Ingvar Stenström, secretario del societate svedese desde multe annos e un veterano del movimento pro interlingua.

Stenström ha date iste explication del symbolo:

INTERLINGUA symbolisa iste lingua como le ponte pro communication international
Le cinque stellas super le ponte symbolisa le cinque linguas de fonte (anglese, francese, italiano, espaniol/portuqese)
Le duo stellas sub le ponte symbolisa le fundo original, le linguas latin e grec.

Stenström ha dicite que ille con placer desirarea que tamben altere organisationes de interlingua volerea usar iste logo post cambiamento del litteras SSI.

Le apparentia del button es demonstrate in infra. Le diametro es 25 mm e al latere de detra illo es fornite con un agulia. Ma pro non riscar perder le button il es apte tamben lo fixar con un filo a suer.

Alfred Nobel - le fundator del Premio Nobel

2006-12-11T14:52:00.007+01:00

Le 10 de decembre esseva le "Die Nobel " quando le Premios Nobel cata anno es dispensate in Stockholm.

Alfred Bernhard Nobel, 21 de octobre 1833, Stockholm - 10 de decembre 1896, San Remo, Italia, esseva un chimista, inventor e industrialista qui fundava le Fundation Nobel e le Premios Nobel pro le quales ille testamentava su grande fortuna. Ille esseva un persona con talentos multiple, habeva un capacitate enorme de laborar e un fide firme que un disveloppamento prospere del genere human sia possibile per lucto pacific e con adjuta del fortias del natura. Su inventiones aperiva nove vias in plure brancas, le plus famose forsan es le dynamite.

Le familia Nobel
Le patre de Alfred esseva le industrialista, Imanuel Nobel (801-1872), qui alcun annos viveva in Sancte Peterburg, Russia, ubi lle construeva minas submersibile que esseva usate in le Guerra de Crimea (1853-56). Alfred habeva tres fratres qui tamben esseva multo talentose. Robert e Ludvig fundava le Compania Naphta Fratres Nobel que expropriava petroleo in Baku, Russia (hodie Azerbaidzhan, al Mar de Caspia). Ludvig tamben esseva un del plus grande producentes de material de guerra. Alfred nasceva in Stockholm ma al etate de novem annos ille moveva a Sancte Peterburg, insimul con le familia, ubi ille adolesceva. Ille poteva studiar in plure paises e durante un anno ille studiava chimia in Paris. De bon hora ille esseva interessate in explosivos.

Dynamite - le invention fundamental
Nitroglycerina es un explosivo multo forte ma perfidiose e difficile a manerar e le invention fundamental de Nobel esseva un detonator pro nitroglycerina e altere explosivos que facilitava le usage. 1863 Alfred arrivava a Stockholm ubi ille continuva su experimentos. Alora un catastropho eveniva e tote le edificio del laboratorio explodeva. Cinque personas, i.a. le fratre le plus juvene de Alfred, Emil, moriva. Le causa del accidente probabilemente esseva experimentos facite per Emil e un studente technic qui essayava purificar nitroglycerina, un substantia multo incalculabile. Alfred esseva in le vicinitate e videva le explosion ma non mesmo isto le impediva continuar le experimentos. Ille edificava un nove laboratorio sur un gabarra (barca simple) in le Laco Mälaren e continuava le labor pro facer nitroglycerina usabile sin riscos. Finalmente ille succedeva per miscer le nitroglycerina con diatomite (sedimentos marin de algos que contine silicium) , lo que resultava in un massa simile a pasta (pro facer pan). Regrettabilemente le effecto de iste explosivo non esseva equalmente forte e ille continuva su essayos. Ille appellava le nove explosivo dynamite e recipeva patente in 1867.

Altere inventiones
Inter le multe altere inventiones per Alfred Nobel on primarimente debe mentionar:

*Gelatina explosive o extradynamite , invententate in 1875, que consisteva de nitroglycerina e nitrocellulosa (collodium) pote esser usate sub aqua. Illo tamben esseva multo effectiva quando on faceva tunneles in montanias.

*Pulvere Nobel o ballistit, que consiste de nitroglycerina, pyroxulo e nitrocellulosa, un pulvere que fuma multo poco. Un ver sensation in tote Europa.

*Rota de gumma. Ille habeva cavallos excellente e desirava viagiar confortabilemente con velocitate alte. Ille comprava un grande casa i Paris ubi ille viveva ma ille tamben habeve un casa in San Remo.

Supportava le fratres
Alfred Nobel sovente supportava su fratres quando illes habeva problemas economic con su compania in Baku ma de facto ille non se interessava de ille projecto e probabilemente ille non comprendeva le grande significantia futur del petroleo. Ille nunquam visitava Baku. Finalmente le compania del fratres in 1920 esseva confiscate per le regime communista.

Interesse e pro scientia e arte
Ille esseva multo interessate in scientia e arte e esseva honorate pro isto in plure manieras. Salvo le multe obras scientific ille ha tamben scribite alcun obras belletristic. Iste interesse litterari causava que ille tamben in su testamento considerava le Premio Nobel pro Litteratura. Alfred Nobel esseva appuctate como membro del Academia Regal de Scientia in 1884 e doctor honoris causa in le Universitate de Uppsala in 1893. Le elemento con le numero atomic 102, nobelium, porta le nomine de ille.

Fundation Nobel
Le grande fortuna que ille donava esseva 31 milliones coronas svedese (SEK) e nunc (2006) illo ha crescite a 3 600 milliones coronas svedese (SEK). In su testamento Nobel decideva que un fundation sia fundate de su fortuna e que le interesse (renta) sia dispensate como premios al personas que durante le anno previe habeva essite le plus utile pro le genere human. Nobel stipulava que le fundation solmente debeva investir le moneta in obligationes del stato e altere documentos de valor con grande securitate. Isto resultava in mal developpamento del capital a causa de inflation ma desde 1953 on es permittite placiar tamben in actioneses lo que ha meliorate le crescentia del capital multo e ha permittite un crescentia correspondente del grandor del premios. Le Fundation Nobel ipse non decide concernente re le investimentos ma ha committite iste carga a societates financial in plure paises, e un grande parte del capital es investite in SUA.

Premios Nobel
Le Premios Nobel es un del plus reputate premios in tote le mundo, non solmente a causa del grandor economic del premio. Su sperantia e instruction esseva que le Premios Nobel "sia al plus grande beneficio possibile pro le humanitate". Malgrado que ille honorava le pace su inventiones de facto ha essite usate pro scopos bellic ma concernente le Premio Nobel pro Labor Pacific ille ipse diceva:
"Mi dynamite, plus que mille tractatos, ducera al pace. Quando le homine ha comprendite que armeas complete pote esser extinguite on va continuar a viver in pace auree".
Le summa disponibile debe esser dividite in cinque partes pro le dominios in infra e cata dominio iste anno recipeva 10 000 000 SEK (summa 50 000 000 SEK). Le summa per laureato depende del numero de laureatos qui divide le premio de lor dominio.
Litteratura
Physica
Chimia
Physiologia o medicina
Labor pacific.

In plus Sveriges Riksbank (Le Banca Statal de Svedia) ha fundate le "Premio Nobel pro Economia al Memoria de Alfred Nobel" que es dispensate al mesme temopre. Le Premio pro Labor Pacific pote esser dispensate a organisationes ma le altere premios es personal. Duo obras differente pote esser honorate e al maximo pote tres personas divider le premio.

Nulle familia
Alfred Nobel habeva al minus un experientia disillusionate con un femina in Paris ma ille nunquam maritava. Un curiositate es que ille timeva esser interrate sin esser securmente morte e ille dava instructiones como facer con le corpere quando ille moriva:
"....que post mi morte le arterias sia secate, e post que signos distincte de morte ha occurite e ha essite confirmite per doctores competente, le corpore sia combustite in un furno de cremation."

Philatelia
Nobel esseva portraitate super timbros svedese editate in 1946, 50 annos post su decesso. Le Posta svedese, como le posta in multe altere paises, tamben ha portraitate multe laureatos durante le annos passate. Le Timbros Nobel es un dominio de collection de timbros que es adoptate per multe philatelistas.

Miss Anatomica

2006-11-27T19:12:00.000+01:00

Lectura audibile
In infra tu pote leger le texto e si tu desira ascoltar in le mesme tempore como tu lege tu debe cliccar sur le texto sublienate a basso del imagine con le button dextere e seliger le alternativo "Aperi in un nove fenestra" (Öppna i nytt fönster). Quando le lectura comencia tu pote minimar ille pagina e retornar a iste pagina ubi le texto es in infra.
"Miss Anatomica" es obtenite ex le libro "Dece contos" per Alexander Gode- von Aesch e Ingvar Stenström, Svedia lege. Iste libro interesssante, es vendite per Servicio de Libros UMI. Illo costa solmente 7 €.
Le adresse es http://www.interlingua.com/libros/index.html

missanatomica.wma

MISS ANATOMICA

Un juvene skeleto escappava ab le museo anatomic. Illo remaneva absente tres dies e tres noctes. A causa de su juventute e plus ancora su sexo - de facto illo esseva un skeleta - su familia se inquietava profundemente. Su matre lamentava le prime die e le prime nocte e plorava le secunde e le tertie. Su patre objurgava le prime e le secunde die e nocte e se absorbeva in pensatas umbrose le tertie. Su fratre rodeva su phalanges ungual; su oncle esseva triste e meditava; e su soror junior soniava de imitar la sed imitava su matre.
Al fin del tertie die e nocte le juvene skeleta retornava. Illa esseva morte de fatiga sed perfectemente intacte. Su matre continuava plorar, nunc de gaudio. Su patre esseva exhaurite e non poteva reprimander la. Su soror quasi moriva de curiositate, e su fratre reconstrueva su aere de indifferentia . Su oncle, le senior del familia, esseva sol a monstrar se maestro del situation. Ille tussiva levemente pro liberar e del sensation que un osso obstrueva su gurgite – e diceva:” Nepta amate….”
Alora le juvene skelata crumpeva in lacrimas e plorava e singultava e e singultava e plorava. E quando su oncle recomenciava, “Nepta amate…..”, illa ejaculava : “Io non vole ….” Sed le resto de su phrase se suffocava in singultos e lacrimas.
“Que non vole tu?” demandava alora le bon oncle. E illa , ben que de novo interumpite per singultos e lacrimas, succedeva a explicar: “Io…. Io vole…”
“Que vole tu?” diceva le oncle in su voce le plus consolatori.
“Que vole tu, nepta amate?”
Un tremor reverbera in le ossos del juvene skeleta. Con un effortio heroic illa reprimeva su lacrimas e diceva clar- e solemnemente :
“Io vole esser Miss Anatomica.”

“Tu,” diceva le oncle.
“Vole”, addeva le fratre.
“Esser,” continuava le soror.
“Miss,” adjungeva le matre.
“Anatomica,” completeva le patre.

E le juvene skeleta summarisava calme- e fortemente:
“Io vole esser Miss Anatomica. Io vole esser coronate Miss Anatomica in un concurso de beltate. Io ha vidite un tal concurso. Io ha vidite le regina del concurso, e io sape que io es plus belle que illa. Illa se vangloriava de su ephemere beltate que va perir proque illa es carnal e debe sequer le vita de omne carne. Reguarde me, oncle e patre e matre. Io es belle, e mi beltate non es carnal. Io vole esser coronate Miss Anatomica.”
Le die sequente, quando le custode del museo anatomic arrivava a pauc minutas post sex del matino pro nitidar le sala del skeletos con su aspirator de pulvere, ille trovava que un del skeletos – le plus belle del collection – esseva revestite de un costume de banio. Un estranie sed charmante surriso pareva adornar su orbitas ocular.

Carl von Linné 1707-1778

2006-11-13T21:44:00.000+01:00

Iste anno, 2007, Carl von Linné essera commemorate a causa de su nascentia ante 300 annos.

Carl von Linné 1707-1778 (ante le innobilimento in 1757 “Carl Linnæus”, ”Carolus Linnæus”) esseva un botanico e zoologo svedese active al Universitate de Uppsala durante le 18-ve seculo.

Biographia
Carl Linnæus nasceva le 23 de maio 1707¹ in le ferma Råshult del pastor adjutante del parochia Stenbrohult, Provincia Kronoberg (Småland). Ille maritava in 1739 Sara Elisabth Moræa ab Falun, Provincia Dalecarlia. In le ferma Sveden, foras de Falun, le casa nuptial de Linné ancora hodie existe. Le copula recipeva septe infantes (i.a. Carl von Linné junior). Le filio habeva nulle infantes e il non ha descendentes hodie qui porta le nomine Linné. Ma il ha plure descendentes del filias. Ille moriva le 10 de januario 1778 in Uppsala, Provincia Uppsala (Uppland). Interrate in le Cathedral de Uppsala.

Ille esseva le filio le plus vetule del parocho futur de Stenbrohult, Nicolaus (Nils) Ingemarsson Linnæus (1674- 1748) e Christina Brodersonia (1688-1733). Le patre adoptava le nomine patronymic a causa de un arbore tutelari, un tilia gigante. Tilia es "lind" in svedese e duo oncles maternal previemente habeva adoptate le nomine Tiliander. In le estate 1709 le familia se installava in le casa del pastor de Stenbrohult ubi le affection de Linné al natura se eveliava. Le patre tamben habeva le mesme affection e esseva multo interessate de botanica, e lor contactos sovente se occupava del cura del jardin, que esseva un del plus melior del provincia. Lor relation esseva calide e familiar. Le patre poteva esserv impatiente ma il esseva dicite que ”ille tosto mutesceva quando on le dava un flor in su mano”. Carl dice un vice re le jardin, que continava multitides de plantas estranier, que illo “con le lacto maternal inflammava mi anima con amor inexhaustibile pro le herbas” .

In Svedia ille sovente es appellate "Le rege del flores" (Blomsterkungen).

Pois que e su patre e su granpatre maternal, le parocho in Stenbrohult, Samuel Brodersonius, esseva prestres il esseva intendite que Carl Linnæus deberea esser un prestre, ma ille non demonstrava alcun interesse grande pro isto. Su interesse in botanica imponeva multo a un medico in le urbe vicin Växjö, e in augusto 1727 ille poteva vader a Lund pro studios universitari. Ibi ille recipeva Kilian Stobæus como benefactor e professor. Post un anno ille partiva a Uppsala ubi ille recipeva instruction per Olof Celsius patre e Olof Rudbeck filio e deveniva un amico del ichtyologo Peter Artedi. Il esseva dicite que Linné esseva un persona multo sociabile e il esseva facile communicar con ille.

Ille esseva rector del Universitate de Uppsala durante le semstre primaveral 1750 e le semestres de autumnal 1759 e 1772. In plus ille esseva supervisor del association del studentes de Småland.

¹Le data del nascentia de Linné esseva le 23 de maio secundo le calendario gregorian, le 12 de maio secundo le calendario julian e le 13 de maio secundo le calendario svedese que alora esseva usate.

Recerca scientific
In su grande opera "Systema naturae" Carl con Linné componeva le systema sexual, i.e. le classification del plantas secundo lor sexo e partes de fertilisation; stamines e pistillos. Isto es un maniera facile ma un poco artificial e hodie on tamben usa ADN (acido desoxyribonucleic) pro lor classification, lo que in multe casos ha modificate le systema. Ille introduceva le nomenclatura binari, a saper que tote vita (e maladias) debe haber duo nomines in latino, un nomine patronymic un nomine de specie e, in certe casos, un nomine de variante.
Iste opera, e le plus del alteres, es scribite in latino, un lingua que Linné como altere scientistas in ille tempore maestrava ben.
Un parte de "Systema naturae", Regno animales, es photographiate e publicate in iste pagina:
http://dz-srv1.sub.uni-goettingen.de/cache/toc/D265100.html
Quando ille moriva in 1778 ille habeva scribite plus que 70 libros e 300 theses scientific. Ille tamben habeva date nomines scientific a 12000 plantas e animales.

Le abbreviation del nomine de autor de Linné in litteratura botanic es L.
P.ex. "Linnaea borealis L." significa que Linné es le persona qui ha describite ille planta in le texto actual.
Linné es le sol persona que es representate per solmente un littera in iste grande registro.
http://sv.wikipedia.org/wiki/Lista_Ã¶ver_auktorsfÃ¶rkortningar
_inom_vÃ¤xttaxonomin

Le viages de Linné

Carl von Linné viagiava a plure partes de Svedia e faceva notas multo minutiose. Totevia on hodie crede que ille ipse forsan non ha visitate omne locos describite ma ille ha notate lo que ille ha audite in conversationes con populationes local. Alcun del plus reputate diarios viages es le sequentes:

*Le viage a Lapponia 1732. Le diario non esseva publicate durante le vita de Linné ma un altere resultato del viage esseva Flora lapponica publicate in 1737
*Le viage a Dalecarlia 1734
*Le viage a Öland e Gotland (le insulas in le Mar Baltica). Ille cavalcava e durante iste viage e ille demonstrava grande interesse tamben pro petras runic.
*Le viage a Västergötland 1746
*Le viage a Scania 1749 Iste viage esseva facite in un vehiculo. Durante iste viage ille de novo videva su amate Stenbrohult.

Le viage a Nederland durava tres annos e medie. In Nederland ille publicava su famose obra Systema naturae que tamben es le fundo del taxonomia moderne pro tote vita. Un systema natural con tres regnos (plantas, animales e petras) e secundo le parentato mutual le plantas e le animales esseva gruppate in classes, ordines, familias, generes e species que tamben hodie es usate.

Alcun discipulos famose de Linné
Non minus que 19 discipulos de Linné faceva viages in tote le mundo sub su supervision, faceva recercas e colligeva material. Le plus de illes retornava e esseva homines renominate ma alcunes del plus talentose perdeva lor vita durante le viages.
*Daniel Solander esseva le plus famose e ille accompaniava James Cook durante su prime viage sur "Endeavor" circum le mundo 1768-71.
*Anders Sparrman esseva botanico durante le secunde viage de Cook.
*Peter Kalm studiava le herbas in le nord-est del colonias american durante tres annos.
*Carl Peter Thunberg visitava Sudafrika, Ceylon, Java e Japon .
*Fredric Hasselquist qui visitava Palestina e Asia Minor

Philatelia e numismatica
Linné es portraitate sur le nota bancari de 100 coronas svedese editate desde 1986.
Tamben sur timbros svedese editate 1939; 15 öre rubie brun e 50 öre gris.
Ille tamben es portraitate sur plure timbros de altere paises.

Recuperate de "http://ia.wikipedia.org/wiki/Carl_von_Linn%C3%A9"

Files audibile

2006-08-28T21:28:00.000+02:00

Iste registrationes de sono es facite con Audacity
http://audacity.sourceforge.net/
un programma gratuite con lequal on pote facer files mp3.
Con le programma eSnips,
http://www.esnips.com/download/
que anque es gratuite, on pote cargar tal files in internet e facer los exequibile in paginas web. Con eSnips on pote cargar usque a 1 GB gratuitemente.

In infra tu pote leger le texto e si tu desira ascoltar in le mesme tempore como tu lege tu debe cliccar sur le imagine con le button dextere e seliger le alternativo "Aperi in un nove fenestra" (Öppna i nytt fönster). Quando le lectura comencia tu pote minimar ille pagina e retornar al prime pagina ubi le texto es.

In le libro “Joieles spiritual” per le famose interlinguista Toma Macovei on pote leger, in interlingua, iste historias famose. Iste libro interesssante, plen de historias curte es vendite per Servicio de Libros. Illo costa solmente 7 €.
Le adresse es http://www.interlingua.com/libros/index.html

Mathematica e chac...

Hosted by eSnips

Le mathematica e le quadratos de chaco.

Le ludo del chaco ha apparite in India circa le fin del 5-e seculo e ha penetrate in Europa per le intermedio del arabes.
Pro poner in evidentia le rhythmo disconcentrante de crescimento del progression geometric comparate con le plus modeste del progression arithmetic, le mathematicos se servi del narration ingeniose ligate al tabuliero de chaco:
Sheran, ancian rege de India, volente recompensar su citatano Sesa, qui veniva de inventar le ludo de chaco, le peteva dicer qual cosa ille voleva reciper como recompensa.
-Potente monarcho, diceva Sesa, io demanda que vos face placiar un grano de frumento sur le prime quadrato del tabuliero.
On presto apportava le grano demandate.
-Nunc, diceva Sesa, vole ben ordinar que on pone duo granos sur le secunde quadrato, quatro sur le tertie, etc. etc., duplicante semper le numero de granos del quadrato precedente. Mi recompensa essera le frumento destinate a plenar le ultime quadrato de mi ludo.
Le rege, ignorante o non remarcante le consequentia de iste progression geometric, surrideva coram un exigentia tanto meschin e pensava que Sesa esseva troppo modeste e voleva jocar. Ma le mathematicos del pais informava le rege que pro trovar le quantitate de granos necesse pro le ultime quadrato, on debeva seminar tote le superfacie del terra, e que octo vices le tote recolta esserea necesse pro satisfacer le avide Sesa.
Le numero de granos de frumento destinate al 64-e quadrato del planca del ludo se compone de facto in 20 cifras, plus que 18 trilliones pecias, lo que corresponde a circa 1 billion tonnas.

Le sage dervich.mp...

Hosted by eSnips

Un arabe habeva lassate a su tres filios como hereditage dece-septe camelos. De illos debeva le primogenite hereditar le medietate, le secunde un tertio e le plus juvene un none parte. Quando le tres filios essayava divider le hereditage, illes trovava, que le voluntate de lor patre non poteva complir se. Illes non poteva divider le dece-septe camelos ni per duo, ni per tres, e ni per novem.
Al fin illes demandava le consilio de un dervich. Ille gaudeva del occasion de poter servir qua mediator.
Primo ille offereva le fratres su proprie camelo gratis. Le fratres habeva ora dece-octo camelos, e le dervich nunc poteva facer le division sin difficultate. Le primogenite recipeva le medietate, dunque novem camelos, le secunde un tertio, dunque sex camelos e le plus juvene un none parte, dunque duo camelos. Summa dece-septe camelos. Le camelo restante le tres fratres con gaudio dava al dervich como recognoscentia pro su adjuta.

Le ovo de Columbo3...

Hosted by eSnips

Le ovo de Columbo
Ab circa le fin del XV-e seculo, curte tempore post le discoperta del nove mundo - le America futur - per la grande navigator Christophoro Columbo ubique le homines non habeva altere subjecto de discussion que le nove regiones.
Unquam, quando Columbo se trovava a un partita de placer, emergeva de novo le discussion re le discoperta del nove regiones. Alcuno inter le convivas, maximo invidiose e plen de malitia, diceva.

- "Nos non comprende proque on face tante caso pro iste si-dicite grande discoperta? Nihil ha essite plus simple que arrivar a illo."

- "Como assi?" Demandava Columbo calmemente.

- "Illo ha debite solmente venir a tu pensata , assi… ir sur le aqua rectemente in avante…. e isto ha essite toto."

Sur le tabula era qualque ovos cocite. Columbo prendeva un ovo, surrideva e diceva a illes qui le diffamava:

- "Qui inter vos pote facer que iste ovo sta recte in alto sur un del capites?"

Illes essayava alternativemente omnes, sed necuno succedeva, e totes debeva renunciar. Tunc Columbo prendeva le ovo e, colpante lo contra le tabula a un capite, lo applattava un pauco e lo establiva rectemente.
Omnes comenciava critar:

- "S....ed, isto anque nos sapeva ! Nihil plus simple."

- "Certo que si!" les respondeva Columbo, surridente ludificantemente, - "nihil plus simple – exactemente como anque le discoperta del nove regiones. Vos debe solmente facer isto apparer in vostre pensata …. E poner lo in application."

Le petra runic de Rök

2006-08-22T22:38:00.000+02:00

Un excursion del participantes del Incontro Nordic in Vadstena, 2006

Durante le cursos intensive ante le 10e Incontro Nordic in Vadstena il anque habeva excursiones interessante. Uno esseva le excursion a Rök ubi Johan Wigforss, un membro del Societate Svedese pro Interlingua narrava del petra runic famose. Ille es archeologo e su narration esseva multo agradabile e naturalmente multo competente.

Johan Wigforss narra

Iste petra runic es un del plus remarcabile in le mundo e contine le plus longe scriptura de omne petras runic in le mundo, plus que 700 signos (170 parolas). Le texto es multo decorative lo que face le petra un obra maestral artistic. Illo probabilemente es gravate durante le annos 800 ma omne expertos non es de accordo. Durante multe annos le petra ha essite murate in le ecclesia ma desde 1843 illo sta presso le ecclesia, in iste dies anque fornite con un tecto protective.
Le scriptor debe ha habite grande cognoscentia de contos mythic e del ideas e credentias de ille tempore. Le texto es multo difficile comprender, i.a. a causa de codices e signos superflue ma anque a causa de referentias a eventos difficile de interpretar. Il anque ha existite plure formas de litteras runic durante le seculos. Il ha textos sur omne lateres del petra, mesmo sur le latere superior. Le altitude es 3,5 m. ma un metro es sub le sol. Le peso circa 4 tonnas.
Le texto se tracta de un persona appellate Vämod pro lequal le patre, Varin, ha elevate le petra pro laudar su filio.

Inter le sagittas rubie sta "aft " lo que es le initio del texto:

In le prime duo lineas sta:

"aft uamuþ stonta runaR þaR n uarin faþi faþiR aft faikion sunu sakum..."

"Till minne av Vämod står dessa runor. Men Varin skrev dem, fadern, till minne av den döde sonen..."

"Pro rememorar Vämod sta iste runas. Ma Varin los skribeva, le patre, al memoria del filio morte..."

Isto es le alphabeto que esseva usate durante ille tempore, kortkvistrunor, ma il ha plure alteres:

In Wikipedia, le encyclopedia polyglotte in internet io nunc ha scribite un articulo un poco plus detaliate re iste petra runic. Vide http://ia.wikipedia.org/wiki/Petra_runic_de_R%C3%B6k

Vokabel - un adjuta pro apprender vocabulos

2006-08-17T22:54:00.000+02:00

In ”Hjälp/Adjuta” del programma Vokabel il ha instructiones complete. Studia los e tu trovara multe finessas usabile.

Le programma Vokabel es construite per Per-Erik Kristensson, un membro del Societate Svedese pro Interlingua. Le programma es multo professional e Per-Erik ha recipite plure mentiones honorific pro iste programma que es excellente quando on desira apprender vocabulos e phrases simple. Uno del multe avantages es que on facilemente pote facer su proprie vocabularios e si on desira completar un vocabulario il es facile adder nove vocabulos, anque in vocabularios compilate per altere personas. Le programma es gratuite e on pote trovar lo in le adresse http://www.pekspro.com/ , un pagina que es scribite in svedese e anglese. Per-Erik anque ha construite plure programmas pro intertenimento que es accessibile in le mesme pagina.

Pro discargar Vokabel clicca duple sur “Ladda ned Vokabel”.

Le programma Vokabel functiona in computatores con Windows 95 e omne plus nove variantes. Illo solmente require 590 kB. Le fenstras e le instructiones es traducite in sex linguas, inter illos svedese e interlingua. Le grande labor con traduction in interlingua es facite per le previe presidente de SSI, Jan Årmann.

On pote facilemente alterar le lingua de interfacie in: Verktyg/Utensiles – Inställningar/Configurationes – Avancerat/Avanciate – Ändra språk/Cambia lingua

Instruction pro adder nove vocabulos

In le fin de un vocabuario il ha un linea con tres positiones appellate Nove –Nove- Nove.
Clicca duple in le prime position al sinistre (vide le sagitta in le imagine) e inscribe le nove parola. Clicca “Enter”. Isto es importante. Insere le traduction in le sequente position e clicca “Enter”. Le tertie position es pro informationes e explicationes (synonymos p.ex.) e es voluntari ma clicca “Enter” anque ibi.

On anque pote adder listas complete de vocabulos scribite in Word o altere programmas pro tractamento de textos. Alora le parola e su traduction debe esser separate per TAB o iste signos: ; : , = - .
P.ex. hund, can
katt, cato
föl, pullo, (cavallo neonate)

Copia toto quando le lista es preste e insere toto in le prime fenestra “Nove” (Vide le sagitta in le imagine). Alora omne parolas essera inserite in bon ordine etiam si on ha scribite explicationes solmente in alcun casos.Un solution genial!

Instruction pro placiar un nove parola in loco correcte

Clicca Redigera/Redige – Markera alla/Marca totes Clica Redigera/ Redige – Sortera/Sorti Nunc le nove parola se trova in loco correcte.

Instruction pro cercar vocabularios in interlingua

Il es necessari haber files con le formato “gls” e le files usate per Babylon, “bgl”, non functiona. In plus le grande vocabulario per Pian Boalt non es apte pro Vokabel a causa del grandor del file. (Vide le nota al fin concernente “Formato gls”)
Ma il ha un altere file svedese-interlingua que consiste de 27 000 entratas lo que suffice e illo es in gls. Il anque ha un file interlingua-svedese ma illo solmente ha 2200 entratas. Tu ipse facilemente pote completar lo secundo tu proprie besonio. Usa p.ex. Stenström; Interlingua-svensk ordbok.

Desde junio 2006 iste duo files es inserite in http://www.interlingua.nu/ in le ligamine ”Läromedel och kurser”. Clicca con le button dextere e quando tu vide “Spara som…” selige ubi le file debe esser salvate ma memora ubi.
Il es multo practic crear un catalogo appellate Vokabel pro omne tal files in formato gls. On anque pote discargar iste files in Yahooogroups ma alora il es necessari adjunger se a Yahoogroups. E isto es gratuite e facile. Aperi le pagina http://groups.yahoo.com/ , clicca sur “Sign up”, plena le formulario, e attende instructiones. Quando tu es un membro tu anque debe cercar membrato del gruppo Vokabel. “Sign in” in Yahoogroups e scribe Vokabel in le quadro “Find a group”. Attende un responsa del moderator ma isto a vices forsan pote durar multe horas (dies?).

In le pagina http://www.pekspro.com/ , in le ligamine Vokabel 2.31, ligamine exempelfiler, glosfiler och översättningar , il ha alcun altere vocabularios in altere linguas

Instruction pro comenciar un quiz

Clicca sur Arkiv/Archivo – Öppna/Aperi e selige un file in formato gls que tu ha salvate in tu catalogo.
Clicca sur Förhör/Quiz. Le plus simple alternativo ibi es numero 1 Standard ma a basso in Förhörsinställningar/Configuration de quiz tu pote seliger plure altere variantes de quiz.

Formato gls (nota) Le formato gls es normalmente reservate pro le programma Babylon Builder. Ma iste files gls pro Vokabel non es adaptate pro uso in Babylon Builder. Si on desira inspectar un tal file o manipular lo il non es possibile aperir lo per duple-cliccar a illo. On debe usar un texteditor commun e dar le commando: Aperir con…(editor seligite).

Bon fortuna!

10e Incontro Nordic in Vadstena

2006-07-31T16:07:00.000+02:00

Durante le incontro le participantes un die camminava in le belle urbe con multe touristas. Con un altoparlator le vice-presidente del societate svedese, Bengt Enqvist, legeva information re interlingua e le vice secretario del mesme societate Erik Enfors portava un placa con le texo: "Interlingua - le plus facile lingua del mundo". Omne participantes distribueva imprimitos con information re interlingua.
Iste parve demonstration eveliava grande attention.
Le jornal local Motala-Vadstena Tidning scribeva re le incontro in le edition in internet:
http://www.motalatidning.se/vadstena/artikel.asp?id=50631

Interlingua se presenta

2006-06-17T19:59:00.000+02:00

(Ante le conferentia international del Fédération Internationale des Professeurs de Langues Vivantes (FIPLV) in Göteborg, Svedia, le 15-17 de junio 2006, le secretario del Societate Svedese pro Interlingua, Ingvar Stenström, scribeva iste information que esseva distribuite per le le organisatores a omne participantes, plus que 700 professores de linguas ab multe paises.)

Interlingua non es un lingua artificial, ma un registration del vocabulario international de facto existente de origine greco-latin, que constitue le hereditage linguistic commun a tote le linguas occidental. Le structuras commun forma un grammatica minimalisate: solmente un articulo indefinite un. E solmente un articulo definite le. Nulle congruentia inter substantivo e adjectivo. Nulle desinentias personal del verbos.

Attention: Interlingua non es Esperanto!

Interlingua es elaborate per linguistas professional.
Post un quarto de seculo de recerca, IALA (International Auxiliary Language Association) ha publicate in 1951 le resultato. In le preparationes theoretic participava linguistas como Otto Jespersen, Charles Bally, Albert Debrunner, Alf Sommerfelt, Jean-Paul Vinay e André Martinet e su successor como director de recerca dr. Alexander Gode, fundator del American Translators’ Association, ATA.

Interlingua es le expression linguistic del universalitate de scientia e technologia e scientistas, primarimente medicos, immediatemente ha comenciate publicar summarios in magazines specialisate e in congressos medical.

Interlingua profita al maximo del diffusion global del idiomas occidental e es utilisabile nunc sin attender adoption official.
Le 600 milliones de romanophonos e le educatos inter le multe milliones de anglophonos comprende textos in Interlingua quasi sin studio. E tote le alteres qui non ha linguas romanic o anglese como linguas materne continuara a provider nos professores de linguas con nostre pan quotidian. Ma con Interlingua como prime lingua in le scholas le ressources pro le instruction de linguas moderne sufficera pro studios non solmente del lingua importantissime anglese, ma de multe altere idiomas, mesmo illos que hodie es “exotic”: chinese, japonese, arabe – linguas fascinante, ma difficile! E pro le linguas traditional probabilemente le tempore sufficera pro studiar plus profundemente lor litteratura e cultura: Studia le anglese pro Shakespeare, le francese pro Racine, le polonese pro Mickiewicz, le hungaro pro Petöfi!

Irrefutabile es le valor propedeutic de Interlingua. In le instruction de linguas Interlingua offere un via rapide al vocabulario international (in gymnasios svedese isto ha essite un subjecto independente) e un excellente preparation pro le studio avantiate del anglese e del linguas romanic e del latino classic.

Le politica linguistic del Union Europee!
“Cata europeo debe apprender duo linguas estranier!” Selection libere? Esque un bulgaro pote selectionar romaniano e greco? Un tcheco – le germano e le hungaro? In principio si. Ma si non un del linguas selectionate es un lingua preferite per omnes, le resultato non es communication inter tote europeos.

Un lingua neutral es necessari
Non tote le expensas gigantic del UE pro interpretation e traductiones es necessari e le situation “babelic” in le Parlamento es un del causas del attitude negative de 50% del europeos. Un altere es le enorme privilegio del nationes dominante de poter parlar e exprimer se per lor proprie linguas.

Interlingua es plus o minus familiar a tote europeos, de facto le denominator commun de nostre linguas.

Interlingua es un lingua vivente per le definition que illo ha un communitate, benque non grande, de usatores in “diaspora” in tote le mundo. In iste lingua on discute, scribe libros, se ama e – occasionalmente – se odia. Le evolution del vocabulario es constante, crescente secundo le besonios del usatores super le firme base del principios de formation de nove vocabulos: cata parola debe exister in al minus tres del linguas-fontes anglese, francese, italiano, espaniol-portugese.

Introduction realistic?
Un lingua global non es realistic in nostre epocha: le eradication del analphabetismo p.ex. ha plus alte prioritate. Ma il ha passos possibile: Interlingua como prime lingua estranier in le curriculos de tote le scholas de Europa pro relationes practic.

Isto non es plus utopic o irrealisabile que le introduction del hebreo in Israel, si existe un forte motivation.

Pro le populos de Africa e de Asia le studio de Interlingua significa le plus grande avantages. Interlingua es un clave (key/Schlüssel/clé) al linguas occidental e da accesso a textos technologic. E Interlingua es pro illes le base ideal pro studios plus profunde de un o plure linguas occidental. Le litteratura technologic in le linguas occidental remane de importantia vital pro lor developpamento economic.

Le Constitution del UE - le version complete – es publicate in le lingua international per le Universitate de Granada in Espania e un equipa de traductores organisate per un finnese.

Le successor de IALA, Union Mundial pro Interlingua, invita vostre cooperation in diffusion e application practic de iste instrumento de communication – le latino moderne!

Information: Svenska Sällskapet för Interlingua,
Vegagatan 12, SE-432 36 Varberg.
Tel. +46-(0)340-15053, +46-(0)430-60150,
+46-(0)31-125121
Posta electronic: secretario@interlingua.nu
www. interlingua.com www. interlingua.nu

Vostre opinion concernente Interlingua?
Solmente un question es essential:
Esque vos comprende Interlingua?

Pro apprender Interlingua:

Cursos intensive a duo nivellos.
Visita Vadstena folkhögskola, 26-28 de julio 2006.
Vide www. interlingua.com.

Manual: Interlingua – instrumento moderne de communication international 1: Textos 2: Commentarios.
Obtenibile in 12 linguas.

Stenström: Interlingua-svensk ordbok
(Studentlitteratur 1995)

Interlingua - que es illo?

2006-04-23T21:57:00.000+02:00

In qual lingua es iste pagina scribite?
Illo es INTERLINGUA

Ma qual sorta de lingua es INTERLINGUA?
Interlingua es un lingua auxiliar moderne que es multo usabile in tote le occidente ubi on parla linguas que descende de latino e/o grec.

Es illo un lingua fabulate?
De facto non. Le lingua se monstrava per travalio intensive de recercatores lingual qui primarimente solmente intendeva registrar le vocabulario international commun. Quando isto finalmente esseva preste, post 27 annos 1951, il surgeva que illo multo ben esseva usabile como lingua.

Que characterisa interlingua?
Le plus del vocabulos es facilemente recognoscibile ab altere linguas europee lo que lo face facilemente apprendite. Le fundo pro selection de vocabulos primarimente es que vocabulos simile debe exister in al minus 3 del linguas anglese, francese, espaniol, portugese o italiano. Al differentia del majoritate de altere linguas le grammatica es multo facile con multo pauc declinationes o conjugationes grammatic de vocabulos. Interlingua es partialmente comprensibile jam ante que on lo ha studiate. Nonne?

Qual beneficio pote on haber de interlingua?
Facilemente on vide quanto simile le linguas de facto es. In effecto on anque pote facer se comprensibile, specialmente in Sud-Europa, per parlar interlingua, etiam sin cognoscentia del grammatica local que pote esser difficile.

Como pote on apprender interlingua?
Il ha un manual e plure dictionarios a comprar. Clicca al ligamine "Läromedel och kurser" al sinistre del pagina
Svenska Sällskapet för Interlingua.

Harleigh Kyson Jr, USA, ha publicate un curso de conversation que es multo apte pro apprender le lingua parlate,lo que regrettabilemente sole esser negligite. Le lingua parlate es un poco differente al lingua scribite. Tu debe haber Adobe Reader pro leger le ligamine Conversation.pdf

Adobe Reader pote esser discargate gratuitemente al ligamine in infra
Adobe Reader

Ascolta hic un anecdota classic e lege contemporaneemente le texto. Clicca primarimente sur le ligamine
http://www.interlingua.nu/paginas/exemplos/chaco.htm
Quando le texto appare clicca al rubie x in supra del pagina

Si tu desira ascoltar plus clicca a
Textos audibile
que es un pagina sub http://www.interlingua.nu, le pagina del Societate Svedese pro Interlingua
Alora plure exemplos appare.
Clicca al symbolo i@ ante le nomine del texto desirate e postea al rubie x . Attende un curte tempore!

Le Constitution Europee nunc es traducite in interlingua post un cooperation international ducite per Allan Kiviaho, Finland. Le Constitution comprehende plus que 300 paginas e in iste traduction importante i.a. Bent Andersen, Danmark, Piet Cleij, Nederland e professor Hermenegildo de la Campa, Granada, Espania, ha participate.
Le Constitution Europee in interlingua

Un altere documento importante que es traducite in interlingua es le DECLARATION UNIVERSAL DEL DERECTOS HUMAN del Nationes Unite
Derectos human

Erik Enfors
Vallåkergat.25
SE-432 37 VARBERG
SVEDIA
e-posta: erik.enfors(at)gmail.com

GRIMETON - hereditage mundial

2006-03-18T17:31:00.006+01:00

Photo: Henrik Enfors 2004

Le radioemissor de Grimeton
Un evento multo importante pro le communication radiophonic in Svedia esseva le edification del station radiophonic in Grimeton dece kilometros al est de Varberg. Illo es le sol del mundo in su specie e illo ha un technica original, del annos 1920s, e functiona ancora. Le scopo de UNESCO- le Organisation pro Education, Scientia e Cultura del Nationes Unite, es stimular beneficio international e contribuer a pace e education re derectos human. In isto es includite augmentar le comprension e le respecto pro le hereditage cultural de paises e populos differente, con le supporto del Convention de Hereditage Mundial (in anglese). Le 2 julio 2004 iste station de radioemission esseva inscribite in su lista de hereditages mundial (in anglese e francese), e illo esseva le dece-tertie que es situate in Svedia. Iste lista contine i.a. in Svedia le petrographias del epocha de bronzo in Tanum, le urbe mercantil Birka del epocha del vikinges e le urbe hanseatic Visby.

Alcun inventiones e eventos importante in le historia del communication

Communication per filos
• 1820 - Le danese Hans Christian Örsted discoperiva le electromagnetismo.

• 1835 - Samuel Morse, un pictor de portraites in le Statos Unite de America qui esseva interessate in electromagnetismo, construeva un telegrapho e tres annos plus tarde le codice pro interpretar litteras, cifras e signos de punctuation que ha recipite su nomine. Le prime linea telegraphic esseva establite inter Washington e Baltimore in 1844.

• 1857 - Svedia habeva un rete de cablos telegraphic que attingeva omne partes del pais e Svedia alora anque habeva connexion con le continente desde 1855.

• 1865 - Le 17 de maio, vinti paises firmava un convention telegraphic international e introduceva un taxa uniforme lo que apportava reductiones considerabile del taxas. Iste die, le 17 de maio, nunc es considerate como le die de nascentia del ITU, Union Telegraphic International.

• 1866 - occurreva un evento multo importante quando Svedia, insimul con plure altere paises europee, obteneva connexion con le rete american per un cablo trans le Atlantico e in le initio del annos 1870s quasi tote le mundo esseva coperite per un rete de cablos.

Communication sin filos
• 1894-1895 – E le italiano Guglielmo Marconi (in anglese) e le serbo de Croatia Nicola Tesla (in anglese) cata uno pro se, succedeva inviar signales plure km per le aere, sin filo. In 1896 anque le russo Alexandre Popov lo faceva.

• 1901 – Marconi succedeva inviar messages super le Atlantico.
• 1906 - Reginald Fassenden succedeva transmitter non solmente signales de morse sed etiam musica que esseva audite in naves foras le costa del Statos Unite. Le mesme anno ille insimul con Ernst Alexanderson faceva le prime emission svedese de oration e musica in radio.
• 1911 - Marconi recipeva le Premio Nobel lo que forsan anque Tesla deberea haber recipite secundo documentos de patentes. Ma Tesla tamen nunquam essera oblidate perque su nomine es usate como mesura del densitate del fluxo de electromagnetismo, Tesla (T).

Alcun datos in le historia de Grimeton

• 1924 - Le 1 de decembre, le station esseva inaugurate.

• 1938 - Post nove discopertas il esseva possibile comenciar usar le nove technica con undas curte que esseva minus costose.

• 2004 - Le 2 de julio, le station que ancora poteva functionar, esseva inscribite in le lista de Hereditages Mundial (in anglese e francese)

Le station in Grimeton
Svedia non habeva su proprie cablos super le Atlantico e durante le prime guerra mundial plure cablos esseva damnate. Durante le ultime parte del guerra on edificava un emissor in Karlsborg situate in le medio del del parte del sud de Svedia e illo succedeva mantener le traffico con le continente ma non satis regularmente con America. Importante pro le location del station esseva que le undas radioelectric debeva passar super aqua o terra multo basse, e in Grimeton le paisage cultivate aperte offereva passage libere verso le costa e le mar west. Il anque esseva importante que le sud de Norvegia non esseva in le linea verso Long Island ubi le station american esseva situate. Sur un globo terrestre on pote vider, con adjuta de un corda, que le ambiente de Varberg es le sol loco de ubi on pote designar un linea rectilinee a Long Island, sin tanger Norvegia, e solmente tanger un curte parte del nord de Jutlandia, que fortunatemente es multo basse. Al contrario il esseva possibile reciper messages in Kungsbacka ubi le station de reception esseva edificate. Ambe stationes esseva in communication con filos con le station telegraphic in Göteborg ubi tote le labor con le messages esseva executate. Omne messages esseva in codice de Morse.

Le inventor Ernst F. W. Alexanderson 1878-1975
Le fornitor del stationes pro emission e reception esseva Radio Corporation of America (RCA) e le constructor esseva Ernst Alexanderson, 1878-1975. Ille esseva nascite in Svedia e post le examine como ingeniero civil in Stockholm e education continuate in le Schola technic superior de Berlin ille emigrava al Statos Unite de America in 1901 ubi ille laborava como inventor constructor e ingeniero principal apud General Electric e RCA. Pro su invention del generator a frequentia alte, le si appellate alternator de Alexanderson, ille esseva incorporate postumemente 1983 in “The National Inventors Hall of Fame” - un homage que ille participa con le inventores Edison, Bell e Marconi. In total 20 emissores de Alexanderson esseva construite per General Electric in Statos Unite e esseva installate in multe locos del mundo integre. Hodie solmente uno es conservate – illo in Grimeton. Alexanderson faceva multe inventiones e habeva 344 patentes quando ille moriva. Le ultime patente ille recipeva quando ille habeva 95 annos. Jam in 1927 ille faceva experimentos successose con television. Ille usava un systema mechanic consistente de un tambur con speculos rotante pro facer imagines mobile ma iste systema tosto esseva cambiate a systemas electronic. Ma ille anque laborava con tal systemas e los meliorava.
Lege plus re Alexanderson (in anglese)

Le significantia del longitude del undas
Le motivo pro usar undas de longitude longe in ille tempore esseva que illos habeva le plus bon expansion ma illos require energia multo alte, 200 kW. Undas longe non es equalmente sensibile pro perturbationes ionospheric como undas curte. Le plus economic undas habeva un longitude de 1/500 del distantia al station de reception e isto esseva 12 km. Ma iste longitude esseva jam occupate per altere stationes e on esseva fortiate usar le longitude 17,4 km (=17,2 kHz) Le station esseva preste pro emission le 1 de decembre 1924 e esseva inaugurate per le rege
Gustaf V le 2 de julio 1925. Le developpamento esseva multo rapide e durante le fin del annos 1920s on discoperiva que undas de longitude curte esseva apte pro radio e in 1938 le prime probas con undas de longitude curte esseva realisate anque in Grimeton. Iste emissores non exigeva tanto multe energia e dunque illos non esseva equalmente costose. Le alternator de Alexanderson pesava 50 tonnas. Ma durante conditiones mal, a causa de perturbationes ionospheric, il a vices esseva impossibile usar undas curte durante plure dies. Durante le secunde guerra mundial le station habeva grandissime importantia pois que le communicationes per cablo esseva interrumpite. E post le guerra le militares lo besoniava pro communication con naves submarin lo que esseva le sol possibilitate.

Le turres del antennas
Le systema de antennas in Grimeton, le antenna multiple, consiste de 6 turres que es placiate con un distantia de 380 m inter se. Illos supporta le 6 antennas vertical. Le turres ha un altitude de 127 m e cata turre ha in le summitate un trabe transverse que es 46 m longe. Illo supporta le filos con le electricitate multo potente pro le antennas. Le turres es vidite de longe distantia es un ben cognoscite puncto de orientation e pro navigatores e pro touristas sur le vias. Le signal de appello del station, que initiava omne emissiones alcun vices, esseva SAQ ( ... .- --.- )
Tu pote ascoltar le signal per premer le ligamine in infra.

SAQ.mp3

Hosted by eSnips

Le station ancora functiona
Le vetule edificio del station, construite in stilo neoclassic per le architecto Carl Åkerblad, e le equipamento del station, remane in le condition que existeva quando on finiva usar lo in le annos 1960s. Ancora il es possibile usar le emissor e a occasiones solemne on lo face, p.ex. cata anno in le “Die de Alexander”, circa le 1 de julio. (Le association de supporto del station es appellate Alexander, non Alexanderson) Le prime die de iste millennio le rege svedese, Carl XVI Gustav, inviava un message que habeva iste fin:
“….Con technologia moderne e medios de communication, le possibilitates de comprension approfundate, pace, democratia e libere excambio de opiniones inter le populos del mundo debe crescer.”
Le message esseva ascoltate per multe personas in le mundo, le plus distante se trovava in Minnesota.
Iste desiro del rege deberea esser ancora plus facile attinger con interlingua!

Ligamines externe:
http://www.alexander.n.se/ (in svedese, anglese e germano)

Como inserer ligamines in Blogger

2006-01-19T12:01:00.000+01:00

Iste description es facite pro blogs in Blogger, http://www.blogger.com/start

A. Inserer ligamines in le texto
Isto es multo facile. Solmente scribe le adresse p.ex. http://www.interlingua.com/ .
Ma un altere possibilitate plus elegante es facer un ligamine directemente ab un parola sin demonstrar le adresse.
Ex:
Sin on ha scribite UMI in le texto e desira facer un ligamine a www.interlingua.com on pote facer in iste maniera.
1. Marca UMI
2. Preme le button "Link". Illo es le quarte button ab sinistre in le barra superior del pagina "Edit" .
3. Insere le adresse in le fenestra que alora essera aperite.

In iste modo le "UMI" essera scribite sublineate e con color blau lo que demonstra que isto es un ligamine cliccabile.

B. Inserer ligamines in le barra predesignate ("sidebar")

Multe "Templates" (Modellos de blogs) jam ha le rubrica "Links" (Ligamines) etiam si illo non sempre es vidite in le "Preview" (Vista preliminari) ubi on pote seliger le modello desirate pro su nove blog. Si non on anque debe inserer iste rubrica, "Links" (Ligamines). Vide in le fin de iste post.

1. Clicca in le blog sur le symbolo orange ”Blogger” o ”Get our own blog” (Vade al proprie blog)Alora se aperi le fenestra ”Dashboard” (Panello)

2. Clicca sur le nomine del blog que se trova ibi. Alora le fenestra pro edition se aperi e ibi il ha iste alternativos
Posting (Postar)
Settings (Compositiones)
Template (Modello)
View blog (Reguarda blog)

3. Clicca sur le alternativo "Template" (Modello)
Le pagina que se aperi es multo complicate. Primo copia lo e salva lo sur le disco dur. Si le alterationes essera false le blog pote esser destruite ma alora on pote reinserer le original.
Iste pagina es multo, multo longe. Cerca iste lineas que probabilemente se trova proxime al fin:

Clicca sur le imagines pro facer los plus grande!
(Si io non habeva facite un imagine de iste texto le programma Blogger alora habeva executate le commando in vice de aggrandir le imagine)

Inter ” ” sta adresses de ligamines e postea inter < > sta le nomine seligite pro le ligamine.
Copia un de iste lineas e insere lo in alcun loco apte inter le alteres.
(Observa que isto non es possibile in iste loco ubi le ligamines solmente es imagines.)
Excambia le adresse e le nomine del ligamine con un ligamine desirate, p.ex. le adresse de UMI.

Le resultato in iste caso essera:

Ligamines apte que on desira inserer on pote trovar in blogs de altere personas.
Aperi le blog e Clicca in le barra superior de Internet Explorer sur: Demonstra - Fundo ( Show – Source) (Visa – Källa)
Alora se aperi le mesme fenestra como in ”Template”. Naturalmente on non pote alterar alque hic, ma copiar es possibile.

Non oblida usar le button ”Preview” (Vista preliminari) pro controlo ante salvar le nove pagina con ”Save Template Changes” (Salva alterationes del Modello).

Crear le rubrica "Links" (Ligamines)
Cerca in le "Template" de un blog que ha le rubrica Links iste texto:

On pote usar "Redige- Cerca (in iste pagina)" [Redigera - Sök (på denna sida) ] in supra del fenestra de Internet Explorer pro trovar iste texto.

Copia le texto e insere lo in le loco correspondente del "Template" del nove blog. Ma naturalmente tu primo debe alterar a Ligamines in vice de Links.

Bon successo!

BLOGLINES - un medio pro surveliar novas in blogs interessante

2006-01-19T11:40:00.000+01:00

Ille qui desira obervar lo que essera scribite in blogs, del quales on se interessa, sovente trova que il es tediose itero e itero aperir le blog pro investigar si alque nove es scribite. Specialmente le paginas interretial del jornales sovente insere novas plure vices cata die. Per abonnar se al servicio Bloglines, lo que es gratuite, on facilemente habera informationes re tal novas in ille blogs que on ha listate in su surveliantia, ”My feed”. Si tosto que alque nove es scribite in un blog illo essera marcate con litteras grasse in le lista, exactemente como in le programmas de e-posta. Con isto on evita visitas inutile in ille blogs que on desira observar. Toto es gratuite!

Installar Bloglines
http://www.bloglines.com/
*Clicca sur ”Sign up now” e insere le informationes secundo le instructiones. Quando le abonamento es preste on habera un blog special in Bloglines e il es apte placiar lo sur le schermo.

*Clicca con le button dextere in iste nove blog e selige “Crea cammino de transverse” (Skapa genväg). In plus, scribe pro securitate ille adresse alicubi.

Abonar se a surveliantia de blogs
*Aperi ”My blog” in Bloglines.
* Clicca sur ”My feeds”
* Clicca sur ”Add”. Inscribe le adresse interretial del blog que debe esser surveliate.
* Clicca sur “Subscribe” (si il es un jornal on postea pote preferibilemnte seliger solmente alcun de su sectiones, p.ex. ”Novas le plus tarde” o alque simile).

Il ha al minus duo paginas, que lista paginas re e in interlingua, que debe esser inserite in le lista.

1. Illo que on attinge quando on, in supra de su blog de Bloglines, clicca sur “Search all blogs” post haber inscribite “interlingua” in le fenestra al latere.

2. Illo que on attinge quando on in supra de su blog de Blogger, clicca sur “Search all blogs” e inscribe “interlingua” in le fenestra que se aperi. De facto iste duo paginas non es totalmente simile, anque si le differentia forsan non importa. Ibi on pote trovar multitudes de paginas con lectura interessante in interlingua, anque si le lingua a vices non es perfecte.

*Il es multo facile excluder un adresse del lista in “My feed”. Solmente marca le nomine e clicca “Unsubscribe”.

Commentario:
Non omne paginas pote esser registrate in Bloglines. Il es necessari que illos ha formato RSS lo que p.ex. omne blogs in Blogger ha. Le plus jornales e nostre Panorama, http://www.interlingua.com/panorama/ , anque lo ha.

Bon successo!

Como crear blogs in Blogger - instruction curte

2006-01-18T22:53:00.000+01:00

Instructiones:
Parolas in rubie solmente es exemplos

*Entra http://www.blogger.com/start

*Trahe le parve icone de Blogger (le “B” rubie ante http://...) al schermo. Isto facilitara le labor futur. In le pagina “start” es indicate le tres passos pro crear un blog.

*Clicca al flecha ”Create your blog now” (Crea tu blog nunc).

*Choose a user name (Selige un nomine de usator). Ex: Essayo

*Enter a password (Entra un contrasigno) ( al minus 6 signos) Ex: Lucia13
Naturalmente tu debe usar tu proprie nomine de usator e contrsigno. Non oblida los, scribe los sur papiro p.ex.!

*Retype password (Rescribe le contrasigno). Ex: Lucia13

*Display name (Nomine pro presentation) Ex: Autor (Isto pote esser tu ver nomine o un signatura)

*e-mail address (Adresse de e-posta) Ex: erik.enfors(at)gmail.com
(il es necessari scriber @ in vice de (at))

*Acceptance of terms (Approbation del conditiones) Clicca si (post que tu lo ha legite)

*Clicca al flecha ”Continue” (Continua) e tu entra le pagina ”Name your blog” (Nomina tu blog).

*Blog title (Blog titulo): Ex: Discussiones in interlingua

*Blog address (Adresse del blog): Ex: discinter
Alora le adresse complete essera: http://discinter.blogspot.com

*Write in the code shown. (Inscribe le codice demonstrate) (Le litteras estranie que impedi abuso automatic)

*Clicca le flecha ”Continue” pro entrar al pagina. ”Choose a template” (Selige un patrono)

*Clicca al flecha ”Continue” (Continua) e tu vide isto: “Your blog has been created” (Tu blog ha essite create)

*Clicca al flecha ”Start Posting” (Comencia postar)

*Insere un rubrica pro le prime post e scribe le prime texto.

Commentario:
Sovente usa le button “Preview” (Vista preliminari) pro controlo del resultato ma memora que nihil non ancora es salvate e il es necessari retornar al mesme pagina e non face altere cosas intertanto si on vole salvar lo que es scribite. Pro salvar il es necessari premer le button in infra “Publish Post” (Publicar le post)

On pote seliger litteras differente con colores differente per cliccar le buttones in supra.
Con un del buttones (al dextere del button ABC) on pote importar imagines que on ha in le disco dur.

*Preme “View blog” (Reguarda le blog)

*Pro facilitar le labor futur il es practic traher le parve icone ante le adresse del blog al schermo.

Si on vole retornar pro additiones o alterationes on debe premer:

* “Get your own blog” (Vade al proprie blog) in supra del blog.

*Clicca sur le nomine del blog in “Dashboard” (Panello)

*Clicca “Edit” (Edita)

Si un blog non es satisfactori il es multo facile totalmente eliminar lo.

*“Get your own blog” (Vade al proprie blog)

*Clicca sur le nomine in “Dashboard” (Panello)

*Clicca “Settings” (Instructiones) A basso ibi il ha un ligamine:

*“Delete this blog” (Rade iste blog).

Bon successo!

INTERLINGUA - vad är det?

2006-01-18T14:07:00.000+01:00

På vilka språk är denna text skriven?
In qual linguas es iste texto scribite
Den är skriven svenska och INTERLINGUA.
Illo es scribite in svedese e INTERLINGUA

Men vad är INTERLINGUA för ett språk?
Ma qual sorta de lingua es INTERLINGUA?
Interlingua är ett modernt hjälpspråk som är mycket användbart i hela västvärlden där man talar språk som härstammar från latin och/eller grekiska.
Interlingua es un lingua auxiliar moderne que es multo usabile in tote le occidente ubi on parla linguas que descende de latino e/o grec.

Är det ett påhittat språk?
Es illo un lingua fabulate?
Egentligen inte. Språket uppstod genom intensivt arbete av språkforskare som från början endast tänkte registrera det gemensamma internationella ordförrådet. När det väl var klart, efter 27 år 1951, visade det sig att det mycket väl var användbart som språk.
De facto non. Le lingua se monstrava per travalio intensive de recercatores lingual qui primarimente solmente intendeva registrar le vocabulario international commun. Quando isto finalmente esseva preste, post 27 annos 1951, il surgeva que illo multo ben esseva usabile como lingua.

Vad kännetecknar interlingua?
Que characterisa interlingua?
De flesta orden är lätt igenkännbara från andra europeiska språk vilket gör det lättlärt. Grunden för val av ord utgöres i första hand av att ett liknande ord skall finnas i minst 3 av språken engelska, franska, spanska, portugisiska eller italienska. Till skillnad från de flesta andra språk är grammatiken mycket enkel med mycket få grammatiska böjningar av ord. Interlingua kan delvis förstås redan innan man studerat det. Eller hur?
Le plus del vocabulos es facilemente recognoscibile ab altere linguas europee lo que lo face facilemente apprendite. Le fundo pro selection de vocabulos primarimente es que vocabulos simile debe exister in al minus 3 del linguas anglese, francese, espaniol, portugese o italiano. Al differentia del majoritate de altere linguas le grammatica es multo facile con multo pauc declinationes o conjugationes grammatic de vocabulos. Interlingua es partialmente comprensibile jam ante que on lo ha studiate. Nonne?

Vilken nytta kan man ha av interlingua?
Qual beneficio pote on haber de interlingua?
Det blir lättare att lära och förstå andra europeiska språk. Med kunskaper i interlingua ser man hur lika språken egentligen är. Man kan faktiskt göra sig förstådd, särskilt i sydeuropa, genom att tala interlingua även utan kännedom om den lokala grammatiken som kan vara besvärlig.
Il essera plus facile apprender e comprender altere linguas europee. Con cognoscentia de interlingua on vide quanto simile le linguas de facto es. In effecto on pote facer se comprensibile, specialmente in Sud-Europa, per parlar interlingua, etiam sin cognoscentia del grammatica local que pote esser difficile.

Hur kan man lära sig interlingua?
Como pote on apprender interlingua?
Några lämpliga läromedel finns det informationer om på sidan Svenska Sällskapet för Interlingua under länken "Läromedel och kurser" i spalten till vänster på sidan.
Re alcun medios educative il ha informationes in le pagina Svenska Sällskapet för Interlingua sub le ligamine "Läromedel och kurser" in le columna al sinistre del pagina.

Hösten 2003 utgav Svenska Sällskapet för Interlingua Pian Boalts "Stora svensk-interlingua ordboken" som har över 90 000 uppslagsord. Denna ordbok har ännu inte kunnat tryckas utan den finns bara i internetversioner.
In le autumno 2003 Svenska Sällskapet för Interlingua publicava "Stora svensk-interlingua ordboken" per Pian Boalt que ha plus de 90 000 entratas. Iste vocabulario non ancora ha potite esser imprimite ma illo existe solmente in versiones pro internet.

Det norska företaget Softbear har sådant program som heter Pardon och de har även ovan nämnda stora lexikon, allt till överkomlig kostnad. http://www.softbear.no/
Le interprisa norvegian Softbear ha un tal programma appellate Pardon e illo anque ha le dictionario mentionate in supra, e plure altere dictionarios, toto a bon mercato. http://www.softbear.no/

Ett annat internetprogram för lexikon är Babylon och även de har detta stora svensk-interlingualexikon samt en massa andra lexikon. Babylon är dyrare men oerhört snabbt och effektivt. Man får översättning snabbt genom att klicka på ett ord i vilka program som helst på datorn. www.babylon.com
Un altere programma interretial pro dictionarios es Babylon e anque illo ha iste grande dictionario svedese-interlingua e un massa de altere dictioarios. Babylon es plus expensive ma enormemente rapide e effective. On habera traduction rapidemente per cliccar sur un parola in qualcunque programma del computator. www.babylon.com

När man har lärt sig grunderna är kursen "Curso de conversation" som skrivits av Harleigh Kyson Jr, USA, mycket lämplig för att lära sig talspråk. Den finns som e-book på sidan http://www.interlingua.nu/ under länken e-libros i spalten till vänster.
Quando on ha apprendite le fundos le curso "Curso de conversation" que es scribite per Harleigh Kyson Jr, SUA, es multo apte pro apprender lingua parlate. illo existe in forma de e-libro in le pagina www.interlingua.nu sub le ligamine e-libros in le columna al sinistre.

Man måste ha Adobe Reader för att läsa den kursen men Adobe kan nedladdas gratis på adressen http://www.adobe.com/products/acrobat/readstep2.html .
On debe haber Adobe Reader pro leger le curso ma Adober pote esser discargate gratuitemente al adresse http://www.adobe.com/products/acrobat/readstep2.html

I bl.a.Varberg, Laholm och Huskvarna har kvällskurser hållits i studieorganisationers regi. Hör efter med dem på din ort.
Den som blir medlem i SSI, Svenska Sällskapet för Interlingua, får varannan månad "Panorama", en 28-sidig tidskrift i storlek A5, helt på interlingua. En gång i kvartalet får man även "Actualitates-Interlingua i Norden" med information mest på nordiska språk.
Kontakta sällskapets sekreterare: Ingvar Stenström Vegagat. 12 432 36 Varberg, Tel: 0340-150 53 e-post: secretario(at)interlingua.nu

Uppe till höger på denna sida finns länkar till några intressanta sidor med texter på interlingua. Det finns även en länk till ljudfiler. Klicka där först på symbolen i@ och sedan på det röda korset som efter en (lång?) stund startar ljudspelaren (Winamp).

Erik Enfors Vallåkergat.25 SE-432 37 VARBERG Tel: +46 340 87545 E-post: erik.enfors(at)gmail.com Skype: untorrente

Un viage sur le canal de Dalsland in Svedia

2005-12-20T17:29:00.000+01:00

Durante le estate passate mi sposa e io ha viagiate alcun horas, con un vetule nave touristic, sur le canal de Dalsland ab Håverud a Långbron. Iste canal comencia al costa west del plus grande laco de Svedia, Vänern. Le canal primarimente es cognoscite per le famose auqeducto in Håverud ubi un ferrovia, un via pro autos e un aqueducto, le un super le altere, passa super un ravina formate per un parve fluvio. Le viage comenciava con passage per quatro esclusas pro arrivar al nivello del aqueducto, e postea durante le viage on anque passava per sex esclusas ulterior. Iste esclusas levava le nivello del canal 27 m durante nostre curte viage, 16 km. Le via total navigabile de iste canal es 250 km, includente alcun lacos elongate, e il existe ancora multe esclusas. Finalmente le nivello del canal es augmentate 66 metros. Le natura es belle e le paysage cambia inter forestes e regiones agricultural. Iste canal ha essite appellate le plus belle canal del mundo. Nostre viage durava circa 3 horas, e on poteva retornar con traino, un viage que solmente durava vinti minutas. Inter le multe passageros in le nave il habeva iste vice alcun italianos e io succedeveva esser comprendite quando io parlava con illes. Quando le nave stoppava presso un estranie cumulo al litore, consistente de arbores abattite e brancas e ramettos de arbores, le italianos non comprendeva lo que le guida svedese contava re ille cumulo. Alora io poteva explicar que il esseva un cabana de castores (bäverhydda in svedese). Le sol entrata a un tal cabana es situate sub le aqua lo que protege le pullos del castores multo ben. Io vermente non habeva grande expectationes que le italianos poterea compreder le parola "castor", ma illes immediatemente lo faceva e comenciava discuter in italiano super iste animal, con su dentes multo forte, que mesmo pote abatter arbores. Io comprendeva multo de lo que illes diceva. Quando io retornava a casa, e cercava in mi dictionario italian, io comprendeva proque illes habeva comprendite tanto facilemente. Castor es castoro in italiano. Iste italianos non habeva audite re interlingua previemente e il pareva que illes esseva multo impressionate del facto que un inhabitante nordic poteva esser comprensibile per usar un lingua del qual illes non del toto habeva audite previemente. Io pensa que isto ben demonstra le usabilitate de interlingua e io propone que anque tu essaya usar lo quando tu incontrara estranieros.

Le sonio de un lingua commun europee

2005-12-20T15:58:00.000+01:00

Qual lingua es le plus apte pro communication international?
Quasi omnes al presente comprende que le situation lingual in le Union Europee (UE) es desp erate. Como potera un union cooperar effectivemente sin un lingua commun. Esque le Statos Unite de America (SUA) haberea essite lo que illo nunc es sin un lingua commun? Quales es alora le alternativos? Esque le UE debe continuar introducer anglese plus o minus celatemente? Io spera que non e le causa simplemente es que le lingua anglese ha entrate un developpamente que ducera a chaos. Io naturalmente pensa al mal, pro non dicer inexistente, correlation inter orthographia e pronunciation, un condition que regrettabilemente essera aggravate con le avantiar del annos, e que essera totalmente cathastrophal pro le comprensibilitate. In plus nos ha le continuante problemas con prestigio national lingual inter illes qui representa le altere grande linguas in Europa qui non acceptara anglese como lingua commun. Quando on monstra le problema con le pronunciation multe personas sole proponer que alora on simplemente debe reformar le orthographia, e secundo lo que io ha audite un tal labor eveni ubique. Ma isto non es un bon methodo perque alora on non plus viderea le ultime restos del connexion apparente inter le parolas anglese e illos del altere linguas que trahe su origine del latino, lo que naturalmente ulteriormente complicarea le apprension del anglese. Del altere aspecto il naturalmente es impossibile essyar reformar le pronunciation anglese, specialmente non anglese american.

Ma il ha un altere possibilitate pro un lingua europee commun.
Omne le grande linguas europee, anque le anglese, trahe su origine del latino e ante un par centos de annos scientistas poteva usar iste lingua in su labor quotidian. In le tempore de Linné isto probabilemente esseva un veritate evidente. Es il possibile reintroducer latino? Esque io vole dicer que nos debe reintroducer latino como un lingua europee commun? No, non exactemente. Al avantages del anglese, e le svedese pertine que le grammatica, p.ex. re conjugationes de verbos etc., se ha essite simplificate notabilemente e un reintroduction del grammatica latin non esserea realistic. Ma le connexion clar inte le linguas de Europa e latino concernente le le vocabulario nos deberea conservar. Dunque lo que nos besonia es un vocabulario que se basa sur le vocabulario latin, supplementate con moderne parolas necessari que debe esser create secundo principios ben definite. In plus il es besoniate un grammatica consequente e systematic. Un desiro final, pro non dicer un exigentia, es que le pronunciation le plus possibile debe concordar con le orthographia, assi que il essera facile saper como un parola es orthographiate quando on lo audi.

Qual lingua poterea substituer le latino?
Il jam existe un tal lingua e le nomine de illo es interlingua. Regrettabilemente le cognoscentia de iste lingua es troppo restringite e isto principalmente depende del fal facto que illo es confundite con linguas auxiliar fabricate, del quales multes debe esser considerate como linugas absurde. Illos generalmente es contruite per personas sin competentia linguistic sufficiente. Interlingua, al contrario de iste linguas auxiliar, in le fundo non es fabricate, ma consiste de lcommun vocabulario international, componite per recercatores scientific durante multe annos de labor e que postea ha essite fornite con un grammatica extrememente efficiente. Interlingua es characterisate per: - un vocabulario que es basate sur le commun hereditage europee ab le latino, un vocabulario que, malgrado que illo ha essite submittite a multe modificationes in linguas differente, continuemente demonstra similaritates distincte inter se e con le original, - un grammatica que es tanto logic e facilemente apprendibile que illo non constitue un obstaculo, non mesmo quando on parla le lingua, - un pronunciation que ben corresponde al orthographia. Gratias a iste qualitates interlingua plus ben que anglese poterea functionar como un lingua international in Europa, America del Nord e del Sud, Australia e multe altere paises. Pro illes qui parla le plus altere linguas in Asia e le altere partes del mundo il probabilemente esserea plus facile apprender interlingua que apprender anglese. Naturalmente le pensata non es que iste lingua deberea substituer le linguas national, isto esserea un utopia e in plus un maleficio cultural. Ma como un ponte lingual international interlingua esserea superior anglese o altere linguas.

Apprende del israelianos!
Ma es il alora del toto pensabile que grande populationes poterea apprender un nove lingua? Si, isto le israelianos ha demonstrate. Non un singule homine sur tote le terra parlava hebreo quando Eliezer Ben-Yehuda organisava un revision del lingua scripte hebree e ille ipse comenciava usar lo como lingua parlate de cata die in le fin del 19.e seculo. Gratias al commun cognoscentia del vetule scriptos e precarias religiose, que esseva scribite in ancian hebreo, multe personas poteva comprender lo que ille diceva. In le annos 1920 illo surprendemente rapidemente deveniva le lingua quotidian in Palestina e un del tres linguas official (anglese arabic, hebreo). Quando le stato Israel esseva fundate in 1948 600 000 homines parlava le lingua e hebreo esseva le lingua principal del pais. Dunque il solmente durava alcun decennios ante que illo esseva parlate per le 6 milliones de iste dies. Yehuda sublineava tres cosas in le introduction del hebreo: Hebreo in le casa, hebreo in le schola, e “parolas, parolas, parolas” Le similaritates del conditiones pro le populos europee si illes volerea comenciar usar un commun lingua es obvie. Pois que le fundos existe gratias al hereditage latin e le revision lingual jam ha evenite, o in omne caso ha comenciate per le introduction de interlingua, il solmente remane comenciar usar le lingua in le casas e ante toto in le scholas. In le scholas iste lingua jam ha essite probate ante alcun annos como un parte del materia de inseniamento “Allmän språkkunskap” (Commun cognoscentia lingual), un materia que in iste dies ha essite fortiate ceder in le concurrentia con troppo multe altere equalmente materias essential. Il es testificate que iste materia constitueva un bon fundo pro studios lingual e commun comprension lingual.
Que nos poterea initiar un developpamento tanto importante pro le futur cooperation international!
Lege plus re iste lingua phantastic al adresses http://www.interlingua.com/ (international, in interlingua) http://www.interlingua.nu/ ( in svedese)